【公司開綠燈】麥大力直認戀上簡淑兒：我哋相處好夾

簡淑兒（Jessica）早前被踢爆與前機師麥大力拍拖，今日麥大力出席活動大方承認簡淑兒已拍拖個多月，表示二人是拍節目認識。問到是否一見鍾情？他哈哈甜笑，大讚對方很有吸引力：「我哋相處好夾，有好多共同嗜好，例如大家都有潛水牌、又鍾意潛水同行山。」他還表示連生活習慣也相似：「我好欣賞佢嘅生活態度，好健康，定下目標唔會輕易放棄，呢方面同我好相似。」但因為雙方的家長都不在香港，所以尚未見家長，但公司很支持兩人拍拖。至於是否已告同居？他稱還未，有潛在可能，但始終都是剛剛開始。