為蕭唯展食店拍宣傳照 陳穎欣扮食龍蝦唔畀吞最殘忍

陳穎欣（Yanny）早前為「生煎包皇」蕭唯展（前名蕭潤邦， Oscar）的食店拍攝新一輯宣傳照，首次接拍食品廣告的她直言「超級開心」，自言非常為食。以為可以狂食招牌小籠包及龍蝦美食的Yanny，拍攝當日「留肚」只吃了早餐，但她說：「原來拍攝唔係真食，又聞住好香嘅龍蝦味、濃湯味，又有小籠包味，但係又唔食得，我覺得係好殘忍嘅一件事。」
Yanny笑言最「殘忍」的一幕是要將一大隻龍蝦放在嘴裏扮食，「但又唔畀吞，好似上緊天堂又落緊地獄咁。」她又透露拍攝時更要考她的「筷子功」︰「要雙手都要用筷子夾小籠包，但我唔習慣用左手揸筷子，結果拍攝過程小籠包係咁跌，我就諗唔好再跌，因為小籠包跌咗整污糟要換過新，我就會覺得跌落地不如畀我好過啦。」
Yanny同時感激在Super Girls剛出道時，Oscar已非常「關照」她及一班姊妹。她說︰「我哋排舞室喺佢食店附近，有時去買嘢食，佢會請我哋食，我哋開演唱會又會提供食物，所以關照咗我哋好多。今次佢搵我參與廣告拍攝，再次關照我，真係不得了。」