Vlog自爆怕MIRROR唔記得自己 鄧麗欣最掛住「力圖」肥仔

鄧麗欣（Stephy）昨晚在公司YouTube頻道上載「突襲《調教你MIRROR》營地」的Vlog，她在梅窩踩三輪車勁蝦碌，最後要公司同事做「柴可夫」，又自爆拍完《男排女將》後最掛住的不是MIRROR，而是向她「抄牌」的ERROR隊長肥仔（梁業），Stephy更怕MIRROR已經忘記自己，相當搞笑！一班「力圖」隊員當然冇忘記「家瑜」，更興奮到衝上前與她擁抱，一直是其Fans的Anson Lo（盧瀚霆）更開心到控制唔到表情。

片段中亦有MIRROR成員打排球的片段，姜濤雖然未有主演《男排女將》，愛打籃球的他打排球有板有眼，但最後大呼手痛向隊友撒嬌，十分可愛。Stephy直言：「好感觸，同佢哋做訪問好似同自己做咁，講番好多初入行嘅事，好多回憶。同呢班男仔好有緣，聽到佢哋經歷會好心痛，見到佢哋玩得盡興，又會戥佢哋開心，感覺好特別。」