《IT狗》通宵拍煞科戲　凌文龍讚製作超認真：呢班友黐線㗎

2021-06-29 02:00

由凌文龍、陳漢娜（Hanna）、Lokman（楊樂文）及Frankie（陳瑞輝）等主演的ViuTV新劇《IT狗》剛煞科，劇中演員近日紛紛於社交網上載大合照，首次有角色名的Frankie留言：「慶幸有隊長做伴一齊拍完咗人生第一套劇hehe，多謝大家照顧呀好榮幸身在其中🥰，今次經歷，真心嘅畢生受用！！」凌文龍更激動表示：「呢班友黐線㗎！認真做到癲，認真玩到癲！第一次拍電視劇可以遇到你哋太幸運！」並大讚Hanna是好拍檔，但對住岑珈其卻謂：「同呢條友開工好辛苦，好難集中呀！」岑珈其則表示好感恩遇到用心、專業的團隊，期待劇集出街。

至於有份演出的余逸思（Yoshi）昨日也分享了一堆合照，並撰長文指，拍攝《IT狗》絕對是其電視生涯黃金里程碑，感恩遇上好有火的台前幕後，以及所有「神級前輩」關照，「認真一開始收到角色嗰陣勁擔心緊張，因為全部都係專業電影級演員，得我一粒薯仔喺度唔知做乜🥔，但你哋都肯花時間用心對我對戲，畀意見又唔嫌我煩（唱歌嗰啲再另計啦..😀）好鍾意呢種重新學習，由零開始嘅感覺🤍我哋唔只做戲，而係實實在在一齊奮鬥！」她仲叫大家留意個Setup，皆因一班幕後在有限資源下仍能砌出這個靚主景。