唔清楚紅館騷詳情 Lokman AK恨做《造星IV》客席講師或嘉賓

2021-06-23 19:48

MIRROR隊長Lokman（楊樂文）和副隊長Anson Kong（江𤒹生、AK）晚上為飲品活動演出，近日有傳團體入紙明年暑假檔期在紅館開演唱會，Lokman指已被很多朋友問起，「但我未收到任何通知，因為花姐近期好忙，好耐未見到佢。」

AK笑指昨晚被媽媽以堅定語氣叫他留飛，但其實詳情他也不清楚。Lokman爆一眾MIRROR成員私下都有傾過幾時再開騷，「今年年底開騷太急又太密，想有多啲新構思。如果下年7月真係開，隔咗一年半都適中，雖然10場會好吃力，不過會有更多人睇到，歌迷亦唔使買炒飛。」AK就認為入座率放寬至100%時是最適合。

談到《全民造星IV》以全女班招徠，AK表示好期待，已有不少以前跳舞認識的女性友人問他意見。被問到是否好開心終於有女仔？兩人大呼「都唔關我事」，他們指：「都唔會自薦做導師，因為壓力太大而且未夠資格，做客席講師同嘉賓就OK。」AK笑言若因為他而來參賽會加分。此外，今日活動在戶外舉行，天氣欠佳不時下時下仍吸引數百觀眾入場。不少未能入場的鏡粉在場外守候，AK有Fans在場外繼續舉燈牌應援。