被豹哥重提離婚事件 江美儀首度落淚剖白

江美儀與吳君如胞弟吳君祥拍拖11年來一直以男女朋友相稱，2018年二人爆出二人已分手兩年消息後，再被吳君祥爸爸夏春秋踢爆二人早於2006在西雅圖註冊結婚，但二人仍死撐否認，直至結婚證書曝光，江美儀就以「唔記得」輕輕帶過事件。
由分手變離婚，江美儀貫徹其堅強形象，看似灑脫的她回復單身多年，都未有就離婚表露情緒。最近她與林盛斌（Bob）主持消談節目《Mean Talk》，請來單立文（豹哥）與滕麗名擔任嘉賓，期間被豹哥捉著她的手，問她之前離婚是否受很大刺激？開始時美儀仍笑著否認，但當豹哥說：「你背後承受好多嘢喺度唔同我哋講，點解你咁傻呢？點解要狽起咁多嘢呢？你同我哋講嘛！」美儀這時已忍不住落淚，但仍說：「我冇嘢㗎啦依家。」
豹哥繼續問她為何跟他們說？美儀終於崩潰落淚：「我都唔知可以同邊個講！有時兩個人相處去到要離婚，未必係一件事發生咗，可能有啲事一路積累，去到我直情覺得，我嘅人生係咪應該繼續落去呢？咁兩個人傾完之後覺得，可能分開仲好啲，所以最後就分開！」
美儀強調大家知道事件時已發生了很久，現在已沒事，但又忍不住說：「最近我經理人先同我講，佢話我係一個唔識Release（放鬆）自己嘅一個人，樣樣嘢都自己吞晒，即係你唔好見我咁Tough，其實都有人蝦我，但我唔…即係自己（吞）…就算嘞，其實好似好開心，但我唔係真係咁開心。」豹哥謂：「鬼唔知咩，你估我睇唔到咩！」美儀指疫情令她很辛苦，因為沒工作就胡思亂想，現在好感恩有這個節目。