IG出Po連番被誤解唔會停玩 蕭正楠代老婆澄清冇踩洪永城

蕭正楠（阿蕭）、湯洛雯及簡淑兒為TVB劇集《一笑渡凡間》宣傳，阿蕭指：「好多朋友讚好睇，角色導人向善，好笑之餘又有查案。」問到會否開續集？他指自己在最後一集才變身濟公，所以如果開續集，希望由原班人馬再演出。

早前阿蕭和太太黃翠如在社交網分享做運動短片，二人擺出「四、六」手勢引起遐想，更有人聯想到翠如在中六受訪時的片段，阿蕭解釋：「Cap圖被誤解都冇辦法，我哋連續3星期每朝6點起身跑步，嗰日係第4日。當時只係想拍片紀念，發生呢件事都幾無奈。」

另外近日洪永城求婚成功，翠如在社交網寫長文狂數好友缺點，令網民紛紛指她踩場挑戰對方未婚妻梁諾妍（Inez）。阿蕭笑指：「洪永城成日剋住翠如，兩個冇好嘢！我代翠如澄清返，佢唔係踩洪永城，只係見到對方壞過之後變乖，仲有個好嘅未婚妻，希望佢珍惜啫。」又表示他們四人都明白沒有特別意思。會否叫翠如減少在社交平台發文？他回應：「我哋係公眾人物，好難避免有人聯想引起誤解，唯有自己睇開啲，亦唔會因為咁就放棄唔玩。」