隊友輪住貼合照祝福 陳卓賢Po童年照賀28歲牛一

今日是MIRROR成員陳卓賢（Ian）的28歲生日，他在IG上載3張Cute爆童年照並留言：「多謝陳媽媽，多謝各位的祝福」即使都係童年照，但Ian都落足心思，分別係3個不同階段的童年照，由啱啱識行嘅BB仔開始，到幼稚園同小學，共通點係3張相都好可愛。

MIRROR隊友亦紛紛送上祝福，Anson Lo（盧瀚霆）指下巴好好𢭃的Ian是「下巴賢」；Edan（呂爵安）為昨晚《調教你MIRROR》澄清「同我同房一啲事都冇」，獲Ian Hea答「都係嘅」；Frankie（陳瑞輝）貼出二人Swag爆「黑超」自拍；Jeremy（李駿傑）就留言「陳先生生日快樂」並加上紅色心心。此外一眾圈中藝人都有在限時動態發文或留言祝賀，包括馮允謙、余香凝、黃定謙、當奴及梁文禮等等。