兩台撞節目題材無謂比較 張建聲認為觀眾睇得開心最重要

今日，張建聲和談善言出席下周一播映的ViuTV節目《嫌疑事件簿》宣傳活動，對於該節目與TVB節目《死因有可疑》撞題材，兼且同日及同時段播映，張建聲直言若兩個節目也精彩就最好，何必要比較?最緊要觀眾睇得開心，演員又玩得開心。

問到可覺得《嫌疑事件簿》有優勝之處?他說：「我sell經驗，自己唔係後生，但可以畀大家睇吓新演員有熱誠去嘗試不同的事，因為節目有演戲同綜藝元素。」談到今次跟方力申打對台，他笑說：「我點敢？我唔識游水，小方游得咁快，我增肥就叻啲！無得鬥、唔使鬥，各有各啦！最緊要開開心心。」


談善言則力撐《嫌疑事件簿》創作團隊好認真，並即興創作，是一個共同創作的節目，但亦會留意《死因有可疑》才會進步。