【獨家】用一餐火鍋利誘周國賢做嘉賓 糖兄妹開Show翻唱千禧年K歌

2021-06-08 20:46
糖兄妹用一餐火鍋利誘男神周國賢做《再見從前音樂會》嘉賓。
糖兄妹用一餐火鍋利誘男神周國賢做《再見從前音樂會》嘉賓。

於今年初嘅「音樂永續2020」計劃中,由糖兄將張學友嘅《怎麼捨得你》和陶喆嘅《愛我還是他》改編溫柔版本再交由糖妹浪漫演繹,作品反應唔錯。本月12日《再見從前音樂會》中,兩人會翻唱多首由80年至千禧年代,陪住歌迷成長嘅K歌,一定能餵飽粉絲。採訪:方騫平 攝影:譚壹致 場地:玩具屋@天后

糖兄妹用一餐火鍋利誘男神周國賢做《再見從前音樂會》嘉賓。
糖兄妹用一餐火鍋利誘男神周國賢做《再見從前音樂會》嘉賓。
糖兄妹能再開演唱會,全因「音樂永續2020」計劃中翻唱張學友和陶喆經典金曲。
糖兄妹能再開演唱會,全因「音樂永續2020」計劃中翻唱張學友和陶喆經典金曲。

糖兄妹繼去年10月24日開完《糖兄妹預見十年音樂會》紀念成軍十周年後,今個月12日再移師海洋公園怡慶坊展開《再見從前音樂會》,音樂會將融匯AR元素,以懷舊歌曲同未來科技crossover,帶大家一同穿梭過去,玩得更加過癮。而每位入場觀眾會獲得AR時光機通行證,用手機點擊通行證嘅QR Code,就會睇到《愛我還是他》MV片段。

糖兄妹去年10月曾舉行《糖兄妹預見十年音樂會》,紀念成軍十周年。
糖兄妹去年10月曾舉行《糖兄妹預見十年音樂會》,紀念成軍十周年。
少女糖妹參加過歌唱比賽,周國賢係評判之一,多年來糖妹都視周仔係偶像。
少女糖妹參加過歌唱比賽,周國賢係評判之一,多年來糖妹都視周仔係偶像。

睇好曾比特
原定音樂會只唱其他歌手的歌,包括重新演繹鄭融及周杰倫等經典金曲,點知兩人錄宣傳片時「許願」,糖妹話最想邀請三個跟她有淵源嘅男人周國賢(Endy)、張繼聰及林一峰做嘉賓,Endy係糖妹偶像;而阿聰曾跟她拍攝TVB劇集《幕後玩家》;而一峰啟發她學結他。而糖兄就話想請到「女神」謝安琪。估唔到糖妹願望成真,只用一餐火鍋就成功利誘到「邊爐精」Endy幫手,「17歲時參加歌唱比賽,Endy係評判之一,當年我仲贏咗3000蚊,唔知今餐邊爐,3000蚊夠唔夠埋單呢?」因為Endy大駕光臨,所以會破例合唱《目黑》。

提到新進歌手,糖兄妹異口同聲話較鍾意《全民造星2》十強參賽者曾比特(Mike),糖兄大讚Mike除咗爆炸頭有特色,又懂彈琴,唱歌絕對冇問題,由內至外都好好;糖妹就讚Mike唔止唱得好,待人接物畀到人舒服感覺,當然,糖妹都會力撐進軍樂壇嘅好姊妹王敏奕,仲會陪她練歌為她打氣。

謝安琪同張繼聰深得糖兄妹欣賞,最想兩人捧場。
謝安琪同張繼聰深得糖兄妹欣賞,最想兩人捧場。
糖兄好有音樂才華,原來對小動物雀鳥都好有研究。
糖兄好有音樂才華,原來對小動物雀鳥都好有研究。
當年拍TVB劇《女人俱樂部》,糖妹、陳瀅及「人妻」王敏奕結緣,至今感情不變。
當年拍TVB劇《女人俱樂部》,糖妹、陳瀅及「人妻」王敏奕結緣,至今感情不變。
環球唱片新人曾比特係糖兄妹近年最愛嘅樂壇新貴。
環球唱片新人曾比特係糖兄妹近年最愛嘅樂壇新貴。
今個月12日糖兄妹再移師海洋公園怡慶坊展開《再見從前音樂會》,今次仲喺室內場開騷。
今個月12日糖兄妹再移師海洋公園怡慶坊展開《再見從前音樂會》,今次仲喺室內場開騷。

最新回應

關鍵字

相關新聞

熱門文章