【Hi細So】周國賢開IG Live 神隱7個月細So即蒲頭畀Like

港產片《一秒拳王》上映一個月票房終破千萬，導演趙善恆同男主角周國賢(Endy)都好開心，其實Endy曾因傷患兼情緒問題離港多時，近半年先回港，日前小休復出為唱作歌手Serrini（梁嘉茵）個唱擔任嘉賓，唱嘅感動，聽嘅亦好激動，希望Endy可以快啲開Show。

要Endy開Show唔容易，想聽佢唱歌可以follow佢ig，因為佢久不久會癮起開Live唱歌，尋晚佢就自彈自唱Beyond嘅《愛得太錯》，仲有愛貓吉吉做背景，Fans聽得好開心，當中包括去年9月驚爆背妻偷食KOL人妻，已一家四口移民英國重新開始嘅前商台DJ細So(蘇耀宗)，相信細So同Endy好老友，亦好欣賞佢歌聲，事關3月尾Endy開ig Live，開始冇耐細So已經畀like，睇嚟細So雖然清空晒自己嘅ig又唔po嘢但其實仍然活躍社交網喎。