星島日報

【獨家】《調教你MIRROR》入Camp前虛構環節瞞花姐 梁祖堯 Tiger誤解姜濤唔睬人

2021-06-08 00:22
Stanley、Alton、Tiger、Jeremy、Jer和Frankie跟祖祖拍完《調教你MIRROR》已成為好朋友。
Stanley、Alton、Tiger、Jeremy、Jer和Frankie跟祖祖拍完《調教你MIRROR》已成為好朋友。

無論係唔係鏡粉,MIRROR早前在演唱會脫胎換骨表現外界有目共睹,12位成員都異口同聲話全賴拍了梁祖堯的《調教你MIRROR》,令他們變得更加團結,間接令演唱會更吸引。祖祖自爆開頭度橋時,用虛構環節連花姐都瞞埋,而一班仔仔亦抱住零信任入camp,不過《調教》時個個喊到豬頭,祖祖就話冇乜神奇妙法,只係一班朋友飲住酒傾心事就嚟料。不過他要求隊中最唔熟的姜濤和Tiger每次見面都要傾偈確實有效,Tiger認為跟姜濤關係有改進,祖祖笑指他對姜濤亦有改觀,他們以往以為姜濤嬲了成村人好cool,原來認識後發覺反差好大。撰文:杜淑霞 攝影:譚壹致 造型:PIPA Creative 服裝:COMME des GARÇONS @ I.T、[email protected]、HBX、Kenzo、i.t、BEAMS、Christian Louboutin(MIRROR)

Stanley、Alton、Tiger、Jeremy、Jer和Frankie跟祖祖拍完《調教你MIRROR》已成為好朋友。
Stanley、Alton、Tiger、Jeremy、Jer和Frankie跟祖祖拍完《調教你MIRROR》已成為好朋友。
入camp前,原來祖祖跟製作組專登開會畀假資料呃花姐。
入camp前,原來祖祖跟製作組專登開會畀假資料呃花姐。


祖祖表示決定開《調教你MIRROR》時唯一要求是全部要玩真,「《調教》宗旨係要一個真嘅真人騷,唔可以有任何嘢係夾,夾我係唔做嘅,所有嘢都係要真實發生,花姐佢哋又肯將呢件事真實發生喎!甚至乎好遲先知我哋去邊度拍,花姐開會有嚟問『其實件事會做啲咩』(Stanley:其實佢哋開會係假。)最後尾嗰次開會係特登為花姐,差唔多出發前3、4日,嗰啲同花姐講嘅嘢係假㗎!(瞞埋佢?)瞞埋!其實都度緊,度咗頭3、4日,會畫吓畫、追吓牛、攝吓影咁,全部嘢都假,因為花姐個工作係保護佢哋,我哋又唔可以令到花姐失職,唯有要令到佢唔知情,佢先放心。」



「調教」過程中MIRROR成員個個喊到豬頭,祖祖話冇妙法專登令12子喊,「我哋唔係做啲戒酒治療,喊完畀掌聲!我諗係互相信任,有時如果你當咗自己係導師,就同佢哋高高在上有差別,但其實大家都係做朋友啫,講真我去酒吧都會對住啲朋友成日喊,我冇咩秘訣,你真心對人人哋真心對番你。」Jer說:「阿祖佢唔係真係教我哋一啲演技上面嘅嘢,(祖:根本冇教過,其實我哋成日飲酒之嘛!)佢教我哋好赤裸去表現自己,如果作為一個表演者,你喺舞台將你最赤裸嘅自己擺上嚟,冇話好真實技巧,純粹每個人最真嘅自己放出嚟。」Stanley補充:「同埋阿祖係有啲靈異體質,佢係好sensitive,知道你未係好真講出嚟,仲有啲嘢block住咗,有啲說話可能抑壓咗我哋心底好耐,當一釋放情緒就會好決堤。」不過講到信任原來最初MIRROR對祖祖和製作組完全零信任,「第一次見面我哋喺酒吧度一齊飲嘢,佢哋個個喺度摸吓啲枱底睇吓有冇啲機關,啲啤酒又聞吓係咪尿呀!(Jer:以《Mirror Go》嘅情況嚟講,係要溝啲辣椒醬,唔會咁順攤)用咗4日先至令佢哋真係相信畀佢哋嚟放假。(Alton:你仲做戲,你哋仲扮嘢,哈哈!你諗吓佢一個人畀12個人唔相信個壓力係好大,哈哈!)我哋冇諗過《Mirror Go》對於佢哋個烙印係咁大。」

Alton爆入camp前MIRROR對製作組零信任,但入camp終於釋放情緒。
Alton爆入camp前MIRROR對製作組零信任,但入camp終於釋放情緒。
《調教》期間Frankie跟Jeremy都有爆喊,而Frankie認為入camp後大家搵到溝通方法。
《調教》期間Frankie跟Jeremy都有爆喊,而Frankie認為入camp後大家搵到溝通方法。


排舞更快手


講到入camp前後跟隊友關係轉變,Tiger覺得同姜濤最明顯,在camp時祖祖要他們「每次傾五十句偈」仲有keep住做,「不過發覺同我想像中嘅佢冇乜分別,哈哈!只係傾偈,但我接受咗呢個人,佢都接受咗我,原來佢鍾意運動睇戲,佢睇好多戲,你唔傾偈唔會知。(以前做一日嘢係咪一句嘢都冇講?)冇㗎!(祖祖:招呼都會打啩?)招呼都唔打,你知佢成日帶住耳機,好似嬲咗成村人咁。」祖祖都認同,間中在化妝間碰面的姜濤好cool,「佢有種氣場係你唔好搞我,𠵱家知道佢應該係好肚餓,因為佢做嘢之前係唔食嘢,我肚餓都係咁樣,入到camp認識真正嘅佢,呢條友低能㗎喎!原來低能都唔足以形容佢,佢係一個比細路仔更加細路仔嘅人,其實呢個反差點都係我自己偏見,我都冇嘗試過佢去了解佢。」



Stanley認為入camp令整隊MIRROR關係改變更大,「演唱會嗰時我哋更加肯定好彩有呢個camp,令我哋更加團結,如果冇咗呢件事個騷唔會咁好睇囉!我覺得係一直冇一個地方、時間、人物去令到我哋12個一齊溝通,導致到一啲現實出現,誤會加深,又磨滅咗團魂,大家根本就冇嘢。(有冇鬧交?)我哋唔會對住咁鬧,𠵱家有個機會畀我哋坐低溝通件事,咁少事就冇嘢啦!」Jeremy更舉例指排舞變快,「我哋有時排舞,譬如有動作唔齊,我會唔夠膽講嘅,但係我明明見到個問題,會唔夠膽講,好似會hurt到佢,好多事咁我又唔係隊長,好似應該係隊長做或者跳舞叻嗰班人做,入完個camp之後我會直接話呢度大家一齊執執佢,大家為件事好,唔會驚產生咩誤會,所以我可以直接講。」

祖祖笑指冇妙法令MIRROR喊,只是跟他們飲酒傾心事。
祖祖笑指冇妙法令MIRROR喊,只是跟他們飲酒傾心事。
 Tiger坦承入camp後跟姜濤關係進步了很多。
Tiger坦承入camp後跟姜濤關係進步了很多。
祖祖要求Tiger和姜濤每次見面至少要傾50句偈。
祖祖要求Tiger和姜濤每次見面至少要傾50句偈。
Jeremy坦言Ian以往不輕易畀人進入內心世界,但camp內終打開心扉大家對他了解多了。
Jeremy坦言Ian以往不輕易畀人進入內心世界,但camp內終打開心扉大家對他了解多了。
入camp10日,Alton 形容大家坦蕩蕩,有點重回《造星》時的初心。
入camp10日,Alton 形容大家坦蕩蕩,有點重回《造星》時的初心。
Jer、Stanley、Alton、Tiger、Frankie和Jeremy和強調沒有《調教你MIRROR》就沒有今日的MIRROR。
Jer、Stanley、Alton、Tiger、Frankie和Jeremy和強調沒有《調教你MIRROR》就沒有今日的MIRROR。
Jeremy直言現在排舞更快,因大家夠膽直接指出問題。
Jeremy直言現在排舞更快,因大家夠膽直接指出問題。
日前《調教你MIRROR》舉行記者會,Edan因開《膠戰》未能出席。
日前《調教你MIRROR》舉行記者會,Edan因開《膠戰》未能出席。

最新回應

關鍵字

相關新聞

熱門文章