【独家】《调教你MIRROR》入Camp前虚构环节瞒花姐 梁祖尧 Tiger误解姜涛唔睬人

2021-06-08 00:22
Stanley、Alton、Tiger、Jeremy、Jer和Frankie跟祖祖拍完《调教你MIRROR》已成为好朋友。
Stanley、Alton、Tiger、Jeremy、Jer和Frankie跟祖祖拍完《调教你MIRROR》已成为好朋友。

无论系唔系镜粉,MIRROR早前在演唱会脱胎换骨表现外界有目共睹,12位成员都异口同声话全赖拍了梁祖尧的《调教你MIRROR》,令他们变得更加团结,间接令演唱会更吸引。祖祖自爆开头度桥时,用虚构环节连花姐都瞒埋,而一班仔仔亦抱住零信任入camp,不过《调教》时个个喊到猪头,祖祖就话冇乜神奇妙法,只系一班朋友饮住酒倾心事就嚟料。不过他要求队中最唔熟的姜涛和Tiger每次见面都要倾偈确实有效,Tiger认为跟姜涛关系有改进,祖祖笑指他对姜涛亦有改观,他们以往以为姜涛嬲了成村人好cool,原来认识后发觉反差好大。撰文:杜淑霞 摄影:谭壹致 造型:PIPA Creative 服装:COMME des GARÇONS @ I.T、Soph.@I.T、HBX、Kenzo、i.t、BEAMS、Christian Louboutin(MIRROR)

Stanley、Alton、Tiger、Jeremy、Jer和Frankie跟祖祖拍完《调教你MIRROR》已成为好朋友。
Stanley、Alton、Tiger、Jeremy、Jer和Frankie跟祖祖拍完《调教你MIRROR》已成为好朋友。
入camp前,原来祖祖跟制作组专登开会畀假资料呃花姐。
入camp前,原来祖祖跟制作组专登开会畀假资料呃花姐。


祖祖表示决定开《调教你MIRROR》时唯一要求是全部要玩真,「《调教》宗旨系要一个真嘅真人骚,唔可以有任何嘢系夹,夹我系唔做嘅,所有嘢都系要真实发生,花姐佢哋又肯将呢件事真实发生喎!甚至乎好迟先知我哋去边度拍,花姐开会有嚟问『其实件事会做啲咩』(Stanley:其实佢哋开会系假。)最后尾嗰次开会系特登为花姐,差唔多出发前3、4日,嗰啲同花姐讲嘅嘢系假㗎!(瞒埋佢?)瞒埋!其实都度紧,度咗头3、4日,会画吓画、追吓牛、摄吓影咁,全部嘢都假,因为花姐个工作系保护佢哋,我哋又唔可以令到花姐失职,唯有要令到佢唔知情,佢先放心。」



「调教」过程中MIRROR成员个个喊到猪头,祖祖话冇妙法专登令12子喊,「我哋唔系做啲戒酒治疗,喊完畀掌声!我谂系互相信任,有时如果你当咗自己系导师,就同佢哋高高在上有差别,但其实大家都系做朋友啫,讲真我去酒吧都会对住啲朋友成日喊,我冇咩秘诀,你真心对人人哋真心对番你。」Jer说:「阿祖佢唔系真系教我哋一啲演技上面嘅嘢,(祖:根本冇教过,其实我哋成日饮酒之嘛!)佢教我哋好赤裸去表现自己,如果作为一个表演者,你喺舞台将你最赤裸嘅自己摆上嚟,冇话好真实技巧,纯粹每个人最真嘅自己放出嚟。」Stanley补充:「同埋阿祖系有啲灵异体质,佢系好sensitive,知道你未系好真讲出嚟,仲有啲嘢block住咗,有啲说话可能抑压咗我哋心底好耐,当一释放情绪就会好决堤。」不过讲到信任原来最初MIRROR对祖祖和制作组完全零信任,「第一次见面我哋喺酒吧度一齐饮嘢,佢哋个个喺度摸吓啲枱底睇吓有冇啲机关,啲啤酒又闻吓系咪尿呀!(Jer:以《Mirror Go》嘅情况嚟讲,系要沟啲辣椒酱,唔会咁顺摊)用咗4日先至令佢哋真系相信畀佢哋嚟放假。(Alton:你仲做戏,你哋仲扮嘢,哈哈!你谂吓佢一个人畀12个人唔相信个压力系好大,哈哈!)我哋冇谂过《Mirror Go》对于佢哋个烙印系咁大。」

Alton爆入camp前MIRROR对制作组零信任,但入camp终于释放情绪。
Alton爆入camp前MIRROR对制作组零信任,但入camp终于释放情绪。
《调教》期间Frankie跟Jeremy都有爆喊,而Frankie认为入camp后大家搵到沟通方法。
《调教》期间Frankie跟Jeremy都有爆喊,而Frankie认为入camp后大家搵到沟通方法。


排舞更快手


讲到入camp前后跟队友关系转变,Tiger觉得同姜涛最明显,在camp时祖祖要他们「每次倾五十句偈」仲有keep住做,「不过发觉同我想像中嘅佢冇乜分别,哈哈!只系倾偈,但我接受咗呢个人,佢都接受咗我,原来佢锺意运动睇戏,佢睇好多戏,你唔倾偈唔会知。(以前做一日嘢系咪一句嘢都冇讲?)冇㗎!(祖祖:招呼都会打啩?)招呼都唔打,你知佢成日带住耳机,好似嬲咗成村人咁。」祖祖都认同,间中在化妆间碰面的姜涛好cool,「佢有种气场系你唔好搞我,𠵱家知道佢应该系好肚饿,因为佢做嘢之前系唔食嘢,我肚饿都系咁样,入到camp认识真正嘅佢,呢条友低能㗎喎!原来低能都唔足以形容佢,佢系一个比细路仔更加细路仔嘅人,其实呢个反差点都系我自己偏见,我都冇尝试过佢去了解佢。」



Stanley认为入camp令整队MIRROR关系改变更大,「演唱会嗰时我哋更加肯定好彩有呢个camp,令我哋更加团结,如果冇咗呢件事个骚唔会咁好睇罗!我觉得系一直冇一个地方、时间、人物去令到我哋12个一齐沟通,导致到一啲现实出现,误会加深,又磨灭咗团魂,大家根本就冇嘢。(有冇闹交?)我哋唔会对住咁闹,𠵱家有个机会畀我哋坐低沟通件事,咁少事就冇嘢啦!」Jeremy更举例指排舞变快,「我哋有时排舞,譬如有动作唔齐,我会唔够胆讲嘅,但系我明明见到个问题,会唔够胆讲,好似会hurt到佢,好多事咁我又唔系队长,好似应该系队长做或者跳舞叻嗰班人做,入完个camp之后我会直接话呢度大家一齐执执佢,大家为件事好,唔会惊产生咩误会,所以我可以直接讲。」

祖祖笑指冇妙法令MIRROR喊,只是跟他们饮酒倾心事。
祖祖笑指冇妙法令MIRROR喊,只是跟他们饮酒倾心事。
 Tiger坦承入camp后跟姜涛关系进步了很多。
Tiger坦承入camp后跟姜涛关系进步了很多。
祖祖要求Tiger和姜涛每次见面至少要倾50句偈。
祖祖要求Tiger和姜涛每次见面至少要倾50句偈。
Jeremy坦言Ian以往不轻易畀人进入内心世界,但camp内终打开心扉大家对他了解多了。
Jeremy坦言Ian以往不轻易畀人进入内心世界,但camp内终打开心扉大家对他了解多了。
入camp10日,Alton 形容大家坦荡荡,有点重回《造星》时的初心。
入camp10日,Alton 形容大家坦荡荡,有点重回《造星》时的初心。
Jer、Stanley、Alton、Tiger、Frankie和Jeremy和强调没有《调教你MIRROR》就没有今日的MIRROR。
Jer、Stanley、Alton、Tiger、Frankie和Jeremy和强调没有《调教你MIRROR》就没有今日的MIRROR。
Jeremy直言现在排舞更快,因大家够胆直接指出问题。
Jeremy直言现在排舞更快,因大家够胆直接指出问题。
日前《调教你MIRROR》举行记者会,Edan因开《胶战》未能出席。
日前《调教你MIRROR》举行记者会,Edan因开《胶战》未能出席。
關鍵字

最新回应

關鍵字

相關新聞

热门文章