【好聲好戲】整體超晒班 「上位小生」黃庭鋒被激讚表演近乎完美

2021-05-29 06:43
黃庭鋒及劉佩玥以旁聽生身份參與《好聲好戲》,獲「創意官」王祖藍大讚表演近乎完美。
黃庭鋒及劉佩玥以旁聽生身份參與《好聲好戲》,獲「創意官」王祖藍大讚表演近乎完美。

TVB節目《好聲好戲》昨晚最後一集,終極三強馮盈盈、張振朗、陳自瑤爭奪好聲好戲傑出聲演總冠軍,最終由陳自瑤以超水準表現,大熱姿態勝出。

劉佩玥嗌到阿媽叫唔好咁嘈
當晚最後一組旁聽生黃庭鋒及劉佩玥(Moon)都成亮點,皆因兩人合作聲演懷舊劇《童心》的「蝦叔」和「波仔」(李泳豪飾)發揮到超級表現,被評判團一致拍掌叫好得到7盞綠燈,阿姐語帶堅定答:「我覺得好,庭鋒我聽到你扮老人家把聲唔錯喎!佩玥都好,好可愛。」創意官王祖藍激讚庭鋒表演接近完美。王祖藍好奇問:「你哋個人練咗幾耐?點去練?」劉佩玥說:「我嗌到連阿媽都叫我唔好嘈!問我仲乜要扮小朋友喺度嗌?」庭鋒話兩人各自練完又再約出嚟磨合吓,好讓攝啲對白位會攝得靚啲。王祖藍滿意地盛讚兩人:「呢啲叫咩,一日唔練自己知,兩日唔練老師知,三日唔練觀眾知,你哋咁樣練法經已聽得出近乎完美。」配音員陸惠玲稍嫌Moon有小小女仔聲;鄭麗麗話庭鋒壓到一把咁嘅聲都幾犀利;何璐怡也說:「我好意外,整體超晒班咁。」

黃庭鋒及劉佩玥以旁聽生身份參與《好聲好戲》,獲「創意官」王祖藍大讚表演近乎完美。
黃庭鋒及劉佩玥以旁聽生身份參與《好聲好戲》,獲「創意官」王祖藍大讚表演近乎完美。
黃庭鋒及劉佩玥被評判團一致拍掌叫好得到7盞綠燈,但兩人表現得非常緊張。
黃庭鋒及劉佩玥被評判團一致拍掌叫好得到7盞綠燈,但兩人表現得非常緊張。

未配過音戰戰兢兢接受挑戰
黃庭鋒開心到不得了,他接受本報訪問時表示好興奮,未試過收到咁多正面嘅評價,唔少朋友短訊問他點樣可以扮到「蝦叔」?其實最初收到通知時覺得係一件冇可能嘅事,唔知點去演繹呢位有咁多人認識,咁有認可性嘅前輩把聲?後來跟配音員翟耀輝學習技巧,最慘每次佢都話唔得,因為只係做到聲沙版黃庭鋒:「咁我都煩惱咗好耐,惟有喺屋企日練夜練,直至有次開車時突然掌握到一啲啲竅門,咁我入晒記憶不停重覆去做,雖然我未試過配音,加上配音好難,但只要落功夫投入去做,可以做得好好。」

跟劉佩玥網上發文互相打氣
庭鋒昨晚喺IG出post跟Moon互相打氣,他寫道:「絕對沒有不被重視的人或工作,只是你選擇看到與否。這次的表演真正體會到配音員的努力和工作的挑戰性,我很享受這次和 @arryuu 的演出,只要你投入去做一件事,總會有人欣賞。」而Moon也有發文多謝庭鋒:「多謝你,我嘅好兄弟好拍檔!由《救妻同學會》開始識你到今日,你都好正能量,好努力!今次嘅合作好難得,好難忘嘅經驗,多謝你!我知道我哋同一班同事朋友都好想盡力做好每一個take,壓力同熱誠係由心而發的,唔止因為可以學習同表演,而係想表現製作嘅誠意,希望大家都睇得開心,最重要係睇到配音員們的努力同專業!各位,GOOD SHOWp.s. 希望大家下次再見我同TF合作就係《超能使者》同《把關者們》啦!」

黃庭鋒為咗掌握到,更神似去聲演蝦叔嘅竅門,而煩惱咗一陣子。
黃庭鋒為咗掌握到,更神似去聲演蝦叔嘅竅門,而煩惱咗一陣子。
庭鋒好勤力咁做晒功課。
庭鋒好勤力咁做晒功課。

兩人出晒飲奶力去演繹。
兩人出晒飲奶力去演繹。
黃庭鋒首次配音被指有潛質,不過他較喜歡做演員。
黃庭鋒首次配音被指有潛質,不過他較喜歡做演員。
Moon七情上面。
Moon七情上面。
祖藍對兩人表現相當滿意。
祖藍對兩人表現相當滿意。
關鍵字

最新回應

關鍵字

相關新聞

熱門文章