《文森佐》傀儡會長加碼操Fit 郭東延揭高網面背心騷巨肌

韓國男星郭東延演完《黑道律師文森佐》傀儡會長「張漢書」後人氣急升，因為由奸變忠，贏盡劇迷好感。他今日就在社交網上載自己最近拍攝的雜誌相，其中一個Look郭東延着上白色網面背心，拉高件衫騷出Fit爆身材，特別係手臂肌肉，比起去年在《雖然是精神病但沒關係》的晒肌場面再大隻咗，完全係隱藏筋肉人。

相信24歲的郭東延好清楚大家最想睇咩畫面，佢喺IG限時動態再Post出兩張揀相時嘅花絮，畀大家多角度欣賞佢上半身肌肉，件背心仲勁透視，睇到仲怕醜過見到大隻仔上身赤裸。