影雜誌晒胸肌引死人 宋仲基同Heize拍MV瘋狂擦身而過

宋仲基早前受PSY邀請，為新加入其公司的女歌手Heize拍攝新歌《HAPPEN》MV，MV已在昨日公開。故事講述宋仲基和Heize是鄰居，二人在地下鐵、升降機、甚至屋企附近的咖啡店都差點遇上。面對種種偶然，雙方都未有更進一步，有啲Sad又有啲浪漫。唔多拍MV的宋仲基表現當然神奇頂級超卓，究竟做宋仲基鄰居每日生活點過?無限FF中。

此外，宋仲基同《黑道律師文森佐》拍檔全汝彬各影咗輯雜誌相，宋仲基繼續做童顏男神，擺乜Pose都應付到，個誘惑表情加單着西裝褸隱約晒胸肌，殺傷力可唔可以唔好咁強呀文森佐?而全汝彬就剪短頭髮，清爽又有型，好掛住洪車英呀。