搣走21磅贅肉晒纖腰 王灝兒被網民質疑呃like：係咪攞錯男友嗰條
2021-05-24 07:00 
拍緊TVB新劇《痞子殿下》嘅王灝兒(JW)喺IG貼相出新Post，相中穿著貼身白色小背心襯半截短牛仔裙，JW除下皮帶拉起裙頭，驚見虛位可放得落兩隻手掌，她即招積地留言：「hehehehehehehhehehehe」還附加勝利手勢符號。又答話：「我上年年頭嘅體重，我真係自己都嚇親。」睇返舊帖文，她曾表示：「原來拍劇真係會瘦㗎！由上年到今日合共瘦身21磅，體重回落返中學時。」富家子男友Tarzan即留言讚好：「hot！」
王子涵即言留言求教；蔣家旻跟唔少網民一樣抱懷態度，蔣家旻留言：「你以前有冇咁肥啊？唔信！」JW解釋即話：「我成日着啲好大件嘅T恤遮住。」而鄧佩儀、江若琳、林欣彤則為她歡呼，唔少網民大讚她好勁，指身穿嘅牛仔裙腰圍應該有34吋，提議開班減肥；也有網民大讚她：「瘦咗又靚咗，更苖條迷人更甜美可愛。」最搞笑有人取笑她：「係咪攞錯了男友嗰條？」
關鍵字
最新回應