【Juicy叮】每日準時放工老細有怨言 千禧後新入職女員工被警告

職場文化各有不同，打工仔稍有不慎就會誤墮陷阱。有女網民在網上討論區「親子王國」發文，指一名千禧後新入職、女同事經常準時收工，導致老闆有怨言，其後女同事還接獲警告。

網民透露，公司近期請了一位21歲年輕女員工了，還未過試用期，「見佢日日準時走，老闆都未走」。網民指，該女同事日日準時6點鐘收工去玩，「老闆依家都有微言，好唔好話畀後生女知件事？」

網民又抱怨， 「教佢新嘢佢都未熟，打一份100字文件打一日」，又稱「我都想準時收工，班資深同事唔走，好似唔合群咁...我公司好多同事扮做嘢，其實上緊討論區打機」。網民又直言，「我喺呢間公司做咗兩年，文職工作，之前做都好準時走，跟住俾班資深同事話，之後唔夠膽準時」

其他網民留言，不少人都覺得準時下班合理，有人指「唔知點解準時放工係錯」、「其實準時收工有乜問題？我日日咁努力工作都係想準時收工啫，好彩我公司冇d咁嘅 OT文化」、「如果人地按時做晒啲嘢，準時走好合理，無理由同你扮勤力架嘛。咁老闆有微言咪叫老闆炒佢囉，否則個女仔只會繼續準時收工」、「如果做晒嘢走，無問題。仲表現出有效率，反而做晒仲要扮做嘢，磨爛蓆留响公司。表現得無效率之餘，仲浪費公司資源（燈，電費）。呢啲先係冗員」

發文者昨日補充進展，「女同事入咗房真係俾HR warning 工作未達標，要完成上司指派的工作。新同事之後冇出過聲，坐咗喺自己個位」。

發文者又披露「我公司仲有一樣變態嘢，要每日收工前打返report email俾上司，交代今日做過咩，間公司係行內都出名衰，佢都成日炒人」。她直言，都打算上求職網站另謀高就，「我覺得道不同不相為謀，潛規則係公司、老seafood定，除非你係老闆個老婆、兄弟姐妹有地位，唔係都幾難改革，我都對呢間公司心淡，我今日都開始上JobMarket，我都係公司小薯仔改變唔到甚麼。」。

帖文轉載自《大後生女準時收工 老闆開始有微言？》