【維港會】女白領投訴欠關懷 上司呼冤連家事都幫忙：咁都算唔關心

職場展關懷？有網民發文指，被女同事抱怨在公司欠缺關懷，這位上司無奈指連對方的私人事、家事都出手相助，反問「咁都算唔關心」

這位上司上月曾經在facebook「奴工處」發文指，為同事做年度評核時，對方抱怨「你有無理過我做得開唔開心，净係關心我做得好唔好」，認為公司及上司只關心表現，上司質疑「我又唔係你老公，關咁多心做咩」。

言論引發網民爭議，有人說「咁佢又錯唔晒喎，現代管理就係包括埋員工工作心理架啦。而且，如果做得唔開心，又點樣有好表現先？如果你真係覺得自己無問題，你就真係唔會係個好上司/HR啦」、「關心一句唔洗死掛。你對人好時人對你好姐」、「一個好上司/公司係應該要關心員工。下面做得唔開心/表現唔好，佢走咗你咪又要再請人再train過，惡性循環」

上司近日又再發文反駁網民指控，指撫心自問，老闆讚做得好一定提點她，薪酬已經到頂點，其他部門投訴她工作態度差，上司都會公開維護，公司員工福利一定為她爭取。上司亦從來不罵她，做不到、不懂做、忘記做的工作都會教導提點。她加班工資都批准申請的士車費及補假。

上司又指，「我買嘢食一定分享，口罩唔夠都分盒畀佢，嗰陣佢屋企附近有咩混亂場面都WhatsApp佢，問佢點，唔使佢返公司，驚佢危險。佢屋企阿女外國返，唔使佢返公司多啲時間陪家人，佢屋企搬屋都問有咩幫手。」上司無奈指，「咁都算唔關心佢，真心想請教下大家點先算關心？」

有網民於是留言問：「你仲請唔請人我都想過去做」、「公司重請唔請人？ 打雜乜都做。佢老公應該都無你咁關心佢」。也有人說「其實strictly business有咩問題？老細關心我太多，我會覺得係侵犯私隱」

帖文轉載自facebook專頁奴工處