玩交友App唔會Send沖涼片畀人 方力申五年冇拍拖想試一見鍾情

2014年獲選十大傑青的方力申（小方）出席「2021十大傑出青年選舉啟動禮」宣傳活動。小方稱，去年鼓勵歐鎧淳參選傑青，最後對方獲霍啟剛提名並當選。他又自爆早前被咖啡店員要求當提名人，推薦對方參選港姐，不過最後推卻了。

小方於無綫節目《諸朋好友2》中自揭有玩交友App，他笑稱節目一出街他便收到超過十人的交友邀請：「我玩了近4個月，戶口是用真相，有人一開始便花幾天時間追問我是否方力申真身。問到玩交友App是否想從中搵到另一半？小方坦言自己5年冇拍拖，目的是為滿足自己雙魚座浪漫的心，睇吓能否在人海中眾裏尋她，「突然間見到一個女仔，有種你就係我老婆，想試一見鍾情嘅感覺！」問到有冇發生過，小方無奈答冇。再問緋聞女友陳瀅有否加入交友App？小方稱對方不加入都可傾偈。至於有否感覺到找他傾偈的人有意圖嗎？小方亦稱冇。笑問有冇影沖涼相或片傳畀其他人睇？小方笑言冇影過，「我最耀眼嘅相就係Icon相，沖涼冇化妝點會吸引呢！」


此外，谷德昭早前替他澄清2004年奧運並非跟葉璇鬧交互寸，小方也問谷德昭為何現在才講出來，對方笑指一直有講，小方自嘲：「這事件是我演藝事業中的代表作。」