母親節開騷冇得慶祝 花姐獲MIRROR獻花兼合唱補數好sweet
2021-05-10 16:55Video Player is loading.
MIRROR於昨日母親節舉行第4場《MIRROR ONE & ALL LIVE 2021》演唱會，完騷後即不忘與視為母親的經理人黃慧君（花姐）慶祝節日，感激對方近3年來的照顧，12子齊齊向花姐獻花及合唱《世上只有媽媽好》，𠱁得花姐大呼好開心，並轉發邱士縉（Stanley）拍下的這一幕片段寫下：「愛你們，謝謝你們給我的一切」。
花姐再感動的在社交網上載花束照，並留言：「今年冇辦法同媽咪過母親節，冇機會同大小B一齊，出門口時，心裡面諗，今日大家如果同我講『母親節快樂』可能只會帶俾（畀）我一種遺憾。最終係（喺）IG，係（喺）會場我收到大家嘅祝福，我先領會到，大家嘅出現填補左（咗）我嘅缺口，令我感覺溫暖，多謝你地（哋）。MIRROR好多謝你地（哋）嘅花，雖然有d老土，不過好sweet。過去兩年幾，同你地經歷左（咗）好多，有喜有悲，以後希望可以繼續陪你地（哋）成長，見證你地（哋）達成夢想嘅時刻。愛你們，愛你們，愛你們」。而Lokman和Anson Kong就被鏡粉在花墟野生捕獲負責買花。
關鍵字
最新回應