星島日報

【獨家】慳家買膠樽自製消毒酒精 陳漢娜出街防疫意識好高

2021-05-05 21:24
Hanna日前落銅鑼灣買膠樽自製消毒酒精,全程「厭世樣」兼高度戒備驚「中招」!
Hanna日前落銅鑼灣買膠樽自製消毒酒精,全程「厭世樣」兼高度戒備驚「中招」!

27歲的「文青女神」陳漢娜(Hanna)早前於港產Cult劇《把砒霜留給自己》中,一脫「暗黑」形象扮演喜感十足的「小騙子」,令人驚喜。去年受疫情影響,工作量驟降至全年收入得5位數的她,最近都開始接番唔少Job,稍後更與MIRROR成員Lokman、Stanley及凌文龍合演ViuTV新劇《IT狗》。日前《頭條日報》記者影到Hanna單拖落銅鑼灣,全程「厭世樣」兼高度戒備驚「中招」的她,花60蚊買了兩支膠樽自製消毒酒精,畀錢後便火速搭綠Van返屋企。採訪:梁志明

Hanna日前落銅鑼灣買膠樽自製消毒酒精,全程「厭世樣」兼高度戒備驚「中招」!
Hanna日前落銅鑼灣買膠樽自製消毒酒精,全程「厭世樣」兼高度戒備驚「中招」!
Hanna雙手環抱自己排隊畀錢。
Hanna雙手環抱自己排隊畀錢。

日前晚上7時許,陳漢娜獨自現身利舞臺廣場MUJI, 一頭黑金挑染捲髮、戴上銀色大Headphone的她,在店內兜咗一圈便極速擸走一支32蚊的噴霧式膠樽,以及一支28蚊的PET噴霧式透明膠樽去畀錢,未知是否打算慳得一蚊得一蚊,自己Homemade消毒酒精拎出街用呢?排隊期間,Hanna左手臂挽住剛從超市掃走的大袋食物,右手夾實兩支膠樽,雙手全程環抱自己,好似好驚掂到其他嘢咁,只敢頭擰擰碌大眼左右望;直到行去櫃枱前,她先禮貌地脫去Headphone埋單。

Hanna臨行到Cashier先禮貌地脫去Headphone。
Hanna臨行到Cashier先禮貌地脫去Headphone。
Hanna拎住超市掃的大袋食物行去鵝頸橋搭車。
Hanna拎住超市掃的大袋食物行去鵝頸橋搭車。

小心為上
由於本港疫情反覆,Hanna買完嘢都唔敢周圍走,直接步行至鵝頸橋附近的小巴站。排隊登上綠Van後,她即揀了近門靠窗的位坐下,一直揸住蒸餾水的Hanna隨即拉低口罩飲水,大口大口灌了幾啖水後,她又快速將口罩拉番上鼻樑,非常小心。

Hanna拎住支水,單手數錢上綠Van。
Hanna拎住支水,單手數錢上綠Van。
Hanna上到車坐埋窗邊先夠膽除口罩飲水。
Hanna上到車坐埋窗邊先夠膽除口罩飲水。
模特兒出身的Hanna經常擺出一副「厭世臉」。
模特兒出身的Hanna經常擺出一副「厭世臉」。
Hanna於《把砒霜留給自己》扮演具喜感的「小騙子」。
Hanna於《把砒霜留給自己》扮演具喜感的「小騙子」。

最新回應

關鍵字

相關新聞

熱門文章