曾想推演《翠絲》 姜皓文多謝古天樂提點給信心

姜皓文作客楊盼盼主持的香港開電視節目《盼你賞面》，獲盼盼姐炮製「上海雙冬」款待，令姜皓文食指大動，讚口不絕。
楊盼盼表示對姜皓文主演的電影《翠絲》感興趣，不過姜皓文卻表示因擔心應付不到角色，曾泛起推戲念頭。他說：「初初聽到有啲驚，驚自己處理唔到，話晒要做女人，驚Handle唔到，有少少想推（角色），後來聽到監製安排咗好多跨性別人士同我傾偈，知道好多佢哋嘅故事同聲音，覺得呢啲故事、聲音要多啲人知，反而變得幾有意思，於是嘗試接觸多啲跨性別人士，聽更多佢哋故事，所以有信心去演呢個故事（電影）。」為演好《翠絲》角色，姜皓文除跟老師學穿高踭鞋行路外，還犧牲色相把全身的毛剃掉，他直言電影出來效果很好，他亦很喜歡角色，希望有機會可以再演多次。
入行多年，姜皓文憑作品《拆彈專家》勇奪香港電影金像獎最佳男配角、《翠絲》亦獲提名最佳男主角。對於入圍的心情，姜皓文笑言：「初初從來未接觸過，有少少入圍，已經沖昏頭腦，平常心係假嘅，去到文化中心嗰刻會好緊張，之前係咁，但依家有咩入圍，會覺得係彩數，始終可遇不可求，能夠入圍當中咗獎。」
姜皓文還在節目中大讚老闆古天樂，感激對方的幫助，說：「老闆幫我好多，又點醒咗我好多，好多時畀咗好大信心我。」