「2LINE黨」飯局湯洛雯缺席朱千雪開心發福強調冇大肚

2021-03-26 19:00

由朱千雪、湯洛雯、張嘉兒、岑杏賢及蔣家旻組成的「2LINE黨」向來感情要好，經常相約見面聚會。日前張嘉兒撇甩愛女，相約「2 LINE 黨」姊妹們去酒店食飯放鬆心情，忙於拍劇的湯洛雯未有出席。

張嘉兒留言：「今日撇甩兩個女都要見下呢三個女仔，平衡一下啲荷爾蒙。」相中可見，她們對着維港無敵大海景食午餐，認真寫意。之後岑杏賢、朱千雪及蔣家旻都有分享照片，透露與姊妹們輕鬆愉快過了大半天，又指朱千雪興奮過頭，從沙發碌咗落地下，非常搞笑。

相中的朱千雪面圓圓，看似發福不少，有網民指她疑似懷孕。早前朱千雪在節目《師父有請》大吐苦水，表示自己沒有懷孕。今日她再於IG留言澄清自己沒有懷孕，蔣家旻亦搞笑回應：「重點！不知不覺生咗三個但自己都唔知！」而岑杏賢則把缺席的湯洛雯tag在維港位置上，笑指她在另一端向我們揮手。

湯洛雯因為拍劇所以未有出現，而佢亦積極減肥，又透露自己正嘗試斷食減肥法，由原本8小時內進食、空腹16小時，加強至6小時內進食、再空腹18小時。