星島日報

親睹「女朋友」林作輸 鍾培生讚表現不太差未是對手

2021-05-01 18:52
鍾培生來觀戰,又叫林作做女朋友。
鍾培生來觀戰,又叫林作做女朋友。

林作今日與對手黃明雋對壘打業餘賽,臨開場前鍾培生和男性友人到場,不過鍾培生拒絕與林作合照及一同接受訪問,更不時稱林作為女朋友。拳賽開場時,司儀指林作因體重未達標被出紅牌,不是君子行為,欠缺體育精神。林作在第一回合以守為主,但第二回合則轉為攻擊,更不時做出挑釁動作,不過曾一度打到跪在地上;台下觀戰的女友裕美不時叫「加油」、「打死佢」。當第三回合時,林作又做出挑釁動作,台下的觀眾大叫「依家你被人打呀!」、「打死佢」,三場回合打成平手,大會宣布Extra round加兩分鐘賽事,最後以3比0,由黃明雋勝出。
鍾培生接受訪問時,表示本來前來想睇林作贏比賽,發現對方的表現並不太差,希望在錯誤中學習,但仍然不是他的對手,希望林作在9月賽事不要太快被他打死。他說:「當見到佢有得加賽,我會心微笑,佢都打幾個直拳,後來重拳中到對手,始終尊重返裁判決定。佢學拳咁短時間算唔錯,希望佢可以繼續進步,唔想被人話我蝦得佢太犀利,雖然係恰佢,但唔好恰得太勁。」對於林作在拳賽的表現,他大讚對方願意上擂台,但步法不穩,出拳亦準備得不好,希望下次比賽教練幫到他。

鍾培生來觀戰,又叫林作做女朋友。
鍾培生來觀戰,又叫林作做女朋友。
林作眼神強勁。
林作眼神強勁。


對於被鍾培生稱為女朋友,林作表示鍾培生對他一見鍾情,暗戀他多年,亦相信對方雙性戀,但見到對方到場觀戰,令他有少少感動。提到宣布Extra round加兩分鐘賽事,鍾培生表現興奮。他說:「佢一直為我興奮,所以佢先出咁貴,但我在佢心目中值100萬,在我阿媽心目中都無值咁多。」他又指對今次賽事感到輕鬆,因為知道對手好年輕,無理由欺負對方,所以有少少讓賽。問到輸比賽會否失望?他說:「睇你點睇啦!頭先我用咗一成實力,你見我都彈下彈下、彈出彈入,如果同佢死過戰術上就企定定。」提到台下不少觀眾大叫「打死佢」,他笑指鍾培生約今早11時找人派錢,每個座位下貼上幾百元,亦付上字條寫住「要打打死林作」,相反離場時好多粉絲跟他攬攬錫錫,所以收錢做人是這樣的。

埋身肉博。
埋身肉博。
第二回合轉守為攻。
第二回合轉守為攻。

不時挑釁對手。
不時挑釁對手。
由黃明雋勝出。
由黃明雋勝出。
林作自稱有少少讓賽。
林作自稱有少少讓賽。
鍾培生和男性友人到場。
鍾培生和男性友人到場。

最新回應

關鍵字

相關新聞

熱門文章