「投訴」歌迷上載全損音質影片 張敬軒《Chill Club》獻唱慘變黐脷筋

2021-04-26 15:45
軒仔控訴歌迷將壓縮版的《黃色大門》片段放上網,令其演出頓變「全損音質」!
軒仔控訴歌迷將壓縮版的《黃色大門》片段放上網,令其演出頓變「全損音質」!

張敬軒(軒仔)最近走勻兩台的音樂節目,作客ViuTV音樂節目《Chill Club》的一集昨晚播出,靚聲當然令一班觀眾聽出耳油,仲有粉絲將他獻唱《黃色大門》一曲的片段,特意上載到YouTube同大家開心Share。不過,此舉似乎引起軒仔「不滿」,事關影片被壓縮至「Fi Fi」聲,其靚聲亦變成「黐脷筋」!軒仔昨晚在IG轉發該片,並以「你話人生究竟有幾無常?」為題,搞笑留言:「正當全世界都喺度玩緊高清影像、無損音質嘅時候。我親愛嘅歌迷大姑幫我po上youtube,竟然係360p、全損音質兼黐脷筋嘅Chill Club,以下讀『燒咳』。」

軒仔控訴歌迷將壓縮版的《黃色大門》片段放上網,令其演出頓變「全損音質」!
軒仔控訴歌迷將壓縮版的《黃色大門》片段放上網,令其演出頓變「全損音質」!
軒仔笑嘲影片壓縮後,自己把聲變成「黐脷筋」。
軒仔笑嘲影片壓縮後,自己把聲變成「黐脷筋」。

接着,軒仔抵死地扮「黐脷筋」腔續說:「喎茂撚過喎大呀次嗨ViuVeeVee嘅燒咳就梗讓茂左。」此句可翻譯為:「我冇諗過我第一次喺ViuTV嘅《Chill Club》就咁樣冇咗。」他又Hashtag「巧地地個口琴intro變_咗嗩吶」、「JoeyTangSir我對你哋唔字」、「條脷硬過我條命」,繼續爆笑向上傳影片的「經手人」投訴!搞到今朝,被洗腦的軒仔都忍唔住於IG Story,分享親身演繹的「黐脷筋版」《黃色大門》!對此,一班網民都紛紛留言笑嘲:「姐姐可能聽得明呢個版本呢」、「呢個version要上冠軍歌」、「軒公你d門牙漏風」、「笑到標眼水!」等。

軒仔壓縮版《黃色大門》:https://www.instagram.com/p/COGc2GEDo8v/

對於自己的歌聲被壓成「黐脷筋」,軒仔都覺得好好笑,仲不停回味。
對於自己的歌聲被壓成「黐脷筋」,軒仔都覺得好好笑,仲不停回味。
被洗腦的軒仔今晨親身演繹「黐脷筋版」的《黃色大門》!
被洗腦的軒仔今晨親身演繹「黐脷筋版」的《黃色大門》!

昨晚軒仔又分享在日式超巿買布甸的慘劇。
昨晚軒仔又分享在日式超巿買布甸的慘劇。
軒仔指布甸被他「dun」到變豆腐花,十分爆笑!
軒仔指布甸被他「dun」到變豆腐花,十分爆笑!
擁有一把靚聲的軒仔,在《Chill Club》的首次演出被壓縮,他苦呻:「冇諗過第一次就咁冇咗。」
擁有一把靚聲的軒仔,在《Chill Club》的首次演出被壓縮,他苦呻:「冇諗過第一次就咁冇咗。」

最新回應

關鍵字

相關新聞

熱門文章