【維港會】車仔麵墨丸之爭 港女惹怒男友點拆彈好？

情侶間互相尊重是維繫關係中十分重要的一環，近日有一名女網民就指，食車仔麵時因夾走了男友碗中的墨丸，而惹怒對方，並詢問一眾網民如何是好。

該名網民於Dcard討論區上以「為咗粒墨魚丸同我嗌交？」為題發文，她指早前與男友外出吃車仔麵，男友叫了墨丸、雞翼、豬腸、生菜及油麵，而自己則叫了豬皮、冬菇、生菜及公仔麵。

食飯途中，網民見男友碗中的墨丸很吸引，於是「隻手好唔聽話咁夾咗粒返嚟放咗入口」，但男友見到後竟不滿地「嘖左一下，然後黑晒面」，問網民「做乜嘢」。

其後網民見男友繼續食麵才敢咬口中的墨丸，後來才發現這是男友碗中的最後一顆，飯後男友自己離開，網民只好默默跟在後面。

帖子引起網民熱議，有人認為樓主男友「咁小器」、「係咪得我一個覺得好小事，點解要嬲」。

但亦有人認為樓主男友不是小器「如果假設嗰一日有好多晦氣事，諗住食好嘢獎勵自己，將最好味嘅留喺最後一啖，結果俾人食咗，我真係會喊出嚟」、「就算係屋企人都會問下得唔得先，基本禮貌」。

樓主其後表示，「佢平時都會夾我啲餸，諗住情侶間無咁計較，經過今次後都係要尊重返大家」。

資料來源：Dcard討論區