【Keep吓好喎】忙做導師又去踢波 53歲李克勤零妝走晒樣

李克勤呢期為《聲夢傳奇》任導師，指導15位參賽者歌唱技巧及舞台表演，他更自稱為「奶爸」。另外克勤又大讚《聲夢》團隊上下一心，士氣好好，佢回憶對上一次有同樣感覺已是多年前跟呂方主持《勁歌金曲》︰「大家都廢寢忘餐﹗我份人工其實係做一日嘅工作，但我差唔多日日都要開工，每日返嚟開會，訊息未停過，大家唔介意付出幾多，士氣係TVB近年最好。」

雖然好忙，但53歲嘅克勤仍然Keep住踢波，周六佢就出咗個Po，「今朝九點。早波」，唔知係唔夠瞓吖，定係太忙吖，或者係佢平時都唔係好Keep，冇妝嘅克勤眼皮嚴重下垂，走樣程度達八級，同有妝對比相當大，年紀唔細，克勤真係要Keep吓喎，話晒47歲嘅老婆盧淑儀仲係好靚，爭太遠就唔好啦。