變行山界KOL 盧淑儀挑戰蚺蛇尖大成功

李克勤老婆盧淑儀愛上行山，行到個人完全唔似47歲，尋日佢又腳痕，今次目的地係蚺蛇尖。蚺蛇尖雖然只高468米，但因為山勢陡峭又斜，路又多碎石，需要手足並用先可以攀爬至頂，因此有「香港第一尖」之稱。有好多人想挑戰蚺蛇尖，不過礙於四星路線而卻步。

行山無數，絕對係行山界KOL嘅盧淑儀就決定嚟一個Today’s challenge，挑戰地就係蚺蛇尖，出發前佢影住山頂仲畫埋箭嘴，然後就開心起行，山路的確好險要，見李太都要手腳並用，最後行咗4個鐘就到達，挑戰成功，恭喜晒。