搬屋鎅傷馬明冇感覺 湯洛雯自揭𤓓事:試過拍拖行街成個趴咗落地

2021-04-16 16:54
靚湯話馬明知她論盡,所以得知她鎅傷也沒感覺。
靚湯話馬明知她論盡,所以得知她鎅傷也沒感覺。

湯洛雯出席新劇造型活動透露,最近忙於搬新屋,因為睡眠不足皮膚有點差。她自言為慳錢,購入了不少現成傢俬,部分要親手組裝;亦因組裝傢俬做成血光之災,她笑笑說:「鎅嘢時太用力,唔小心鎅咗落膝頭上面;唔係好深嘅,但都即刻流血。(馬明知唔知?)佢知,因為知我論盡,無乜特別感覺。試過喺商場拖手行街,我成個人趴咗落地,佢仲拖住我隻手,問我咩事?嗰刻覺得自己好𤓓。」
馬明即將完成拍攝《白色強人II》回港,靚湯謂馬明可趕及為她慶祝生日,笑說:「我5月6號生日,不過到時我可能要開工,想去Staycation,因為未試過。」

靚湯話馬明知她論盡,所以得知她鎅傷也沒感覺。
靚湯話馬明知她論盡,所以得知她鎅傷也沒感覺。
靚湯又謂馬明可趕及她生日回港。
靚湯又謂馬明可趕及她生日回港。

最新回應

關鍵字

相關新聞

熱門文章