《鬼靈精怪大酒店4》暑假上映 寵物狗玩死吸血鬼番外篇睇住先

《鬼靈精怪大酒店》系列首三集合共全球勁收13.59億美元票房(約百億港幣)，第4集將於暑假面世!電影上映前，Sony Pictures 特別炮製《特別番外篇》小短片畀一眾鬼靈精怪迷止住癮先。

短片以吸血鬼德格拉的可愛巨型寵物狗為主角，講述狗狗無時無刻都黐實德格拉求玩拋波波，無論沖緊涼定大緊便，吸血鬼覺得好煩，搵嚟正常Size得意狗狗畀巨型狗做玩伴，前者一見後者即速逃，得格拉靈機一觸召喚一眾怪獸寵物俾狗狗揀選玩伴，當中包括口水怪、科學怪狗、小魔怪及蛇怪等動物，全部都唔啱心水，最後巨型狗情傾貴氣靚貓，吸血鬼以為一天都光晒，當然冇咁容易。《鬼靈精怪大酒店4怪獸變錯身》將於暑假上映。