【維港會】懷疑男友父有私生女 港女苦惱應否告知網民反應兩極

發現男友父親有私生女應否告知男友？近日一名網民表示有日陪朋友試婚紗時意外見到男友的爸爸疑似有一名私生女，令她十五十六，不知應否告知男友。

該名網民於香港討論區以「OMG我懷疑男朋友爸爸有私生女」為題出帖，她表示，早前陪朋友睇婚紗，見到男友爸爸與一對30歲左右的男女一同試婚紗。

當時網民原本打算上前打聲招呼，但突然聽到該名女子稱呼男友父親「爸爸」，網民隨即「呆左呆」，又指男友只有一個家姐，「而佢家姐唔係咁嘅樣嘅」。

網民於是行埋一邊，但仍聽到該名女子稱男友父為「爸爸」，而男子則稱他為「Uncle」。

網民指「呢幾日我有試探過男朋友，佢話佢冇同父異母嘅家姐」，網民又表示「其實我都有影咗佢地相，我應唔應該畀相男朋友睇，又或者同男朋友講？我怕我會唔會破壞咗男朋友一家...」

帖子引起網民熱議，有人認為樓主可以「私下同世伯了解下先，由世伯處理」、「呢d都係同男朋友講啦，佢屋企以後都係你屋企人。」

不過有不少人則認為樓主多事，「你咁多事做乜」、「你講咗俾男朋友知，咁又點呢？」

資料來源：香港討論區