星島日報

與張繼聰肉帛相見攬埋一嚿 Chilam唱《Baby Shark》被考起

2021-04-07 14:21
Chilam和張繼聰都豁出去盡情搞笑。
Chilam和張繼聰都豁出去盡情搞笑。

抗疫電影《總是有愛在隔離》兩位男主角張智霖(Chilam)及張繼聰(Chilam),在戲中上演一幕「肉」帛相見搽蘆薈油,Chilam直言:「幫人按摩都唔容易,特別阿聰啲肌肉咁厚⋯⋯真係每個行業都有艱難嘅地方。」阿聰就話:「好在同Chilam熟,所以犧牲色相都唔尷尬,如果同其他冇咁熟嘅人,可能會就住就住。」
提到犧牲色相,也不及浸熱水浸足半日,阿聰表示:「以為有桑拿戲好爽,點知浸完冇得按摩,同埋我覺得我哋好似打邊爐個爐入面嘅雜菜,出晒煙!」Chilam表示同意之外也補充:「我哋浸到暈暈地,其實一班負責拍攝的劇組人員同我哋一齊浸,佢哋仲辛苦。」

Chilam和張繼聰都豁出去盡情搞笑。
Chilam和張繼聰都豁出去盡情搞笑。
二人慶幸夠熟絡,所以犧牲色相都唔尷尬。
二人慶幸夠熟絡,所以犧牲色相都唔尷尬。

不過最大挑戰,就係其中一幕要唱大熱兒歌《Baby Shark》氹細路,兩人異口同聲都話好難。阿聰笑言:「作為歌手唱開啲複雜嘅歌,要唱呢啲簡單嘅旋律係有難度;不過Chilam辛苦啲,冇乜點聽過呢隻歌,我聽呢隻歌已經聽咗過億次!但呢場戲其實我哋係襯托個小朋友。拍呢套戲都好開心,可以試到好多唔同嘅嘢,飛車、打鬥、唱歌、捽油等等,平時好少一套戲會試到咁多嘢!」
講到飛車打鬥,戲中兩人本為仇家,一見面就鬥過你死我活,有一幕講述兩人打鬥後逃走,阿聰因趕上車要飛身入車,為親身上演這一幕,即場跟武術指導學習。他說:「真正危險嘅動作,係靠專業嘅武術演員,我試做呢個飛身既一小個動作,希望為套戲出一分力。」

除了露肉阿聰還要做飛人。
除了露肉阿聰還要做飛人。
春光乍洩Feel。
春光乍洩Feel。

瞓醒更有Mood。
瞓醒更有Mood。
阿聰因趕上車要飛身入車。
阿聰因趕上車要飛身入車。
男神冇晒形象啦!
男神冇晒形象啦!
二人謂拍這戲好開心可以試不同事物。
二人謂拍這戲好開心可以試不同事物。
拍浸桑拿戲從來都不梳爽。
拍浸桑拿戲從來都不梳爽。

最新回應

關鍵字

相關新聞

熱門文章