獨自兜風電單車死火 張繼聰流落荒野向謝安琪求救

2021-04-07 14:00
阿聰一個人兜風遇上電單車死火,流落荒野要向老婆謝安琪求救。
阿聰一個人兜風遇上電單車死火,流落荒野要向老婆謝安琪求救。

張繼聰近年愛上揸電單車,不時相約森美和張振朗等好友假日出車,有時更會一個人去兜風,享受男人的浪漫。一個人獨遊雖然有型,不過意外發生時會相當無助。張繼聰昨日在IG分享照片,透露獨自出車時遇上電單車死火流落荒野,最後更要向家人求救。

阿聰一個人兜風遇上電單車死火,流落荒野要向老婆謝安琪求救。
阿聰一個人兜風遇上電單車死火,流落荒野要向老婆謝安琪求救。
阿聰的愛車半路死火,點撻都冇反應。
阿聰的愛車半路死火,點撻都冇反應。

昨日黃昏,阿聰獨自去兜風,怎料去到荒山野嶺時,電單車突然死火,點撻都冇反應,加上手機收唔到訊號,他留下電單車,無奈地行了約300米,走到有訊號的地方聯絡車房師傅,看看如何處理,之後回頭嘗試修理電單車,可惜未能成功,反覆嘗試三次後最終放棄,最後唯有叫拖車,再找家人來接他。

修理電單車期間,阿聰亦不忘自拍。
修理電單車期間,阿聰亦不忘自拍。
繼續有網民指阿聰好似木村。
繼續有網民指阿聰好似木村。

不過今次「荒山野嶺死火記」未有影響他對電單車的熱愛,在反覆嘗試修理電單車時,亦不忘為愛車拍照,Hashtag表示:「電單車壞咗唔緊要」、「最緊要有多兩部」,最後呢句應該畀佢老婆睇嘅。今次來荒山野嶺拯救阿聰的家人,當然是指老婆謝安琪,她在阿聰的貼文搞笑留言:「你屋企人咁好嘅,一收到電話就放低晒手頭上嘅嘢,立即揸車去荒山野嶺嗰度接返你。」阿聰亦相當識做,馬上回覆:「謝主隆恩」,算佢識講嘢啦。

阿聰反覆嘗試修理3次電單車後選擇放棄,最後call拖車及叫家人接他。
阿聰反覆嘗試修理3次電單車後選擇放棄,最後call拖車及叫家人接他。
謝安琪揸車去荒山野嶺接返阿聰。
謝安琪揸車去荒山野嶺接返阿聰。
關鍵字

最新回應

關鍵字

相關新聞

熱門文章