星島日報

【獨家】難忘跟嚴師廖啟智學戲 王智騫誓做演技派唔靠樣

2021-04-06 21:30
Martin認為演員應該要Flexible,做乜都OK。
Martin認為演員應該要Flexible,做乜都OK。

有「翻版柯震東」之稱的24歲小鮮肉王智騫 (Martin)近年由模界踩入大銀幕,處男作《熱血合唱團》與劉德華及李麗珍演對手戲,主演的網劇《把砒霜留給自己》早前更打入Netflix香港排名三甲,加上前年殺入內地拍劇《手可摘星辰》而爆紅,Martin表示:「好感恩有好多機會畀我嘗試。」但擁6嚿腹肌的Martin好抗拒「小鮮肉」這個稱號,努力向大師學習的他盼演技能逐漸獲觀眾認同。撰文:黎寶倫 攝影:譚壹致

Martin認為演員應該要Flexible,做乜都OK。
Martin認為演員應該要Flexible,做乜都OK。
自認輪盡的Martin冇刻意想做打仔。
自認輪盡的Martin冇刻意想做打仔。

過去修讀視覺藝術及Fashion的王智騫從沒想過當演員,直至4年多前收到《熱》片試鏡邀請,本來公司只是讓他體驗吓,未料一擊即中,令Martin好愕然,拍畢更想成為演員,隨即跟廖啟智(智叔)及詹瑞文等學了兩年戲,前年又報讀中央學院的Course。鏡頭前斯文怕醜的Martin自言私下好百厭,亦是朋友圈中的「反應之神」,但一上戲劇班和拍攝時就好嚴肅,因為要尊重表演藝術。提到上月28日因胃癌離世的智叔,Martin稱對方幾嚴厲,亦從智叔身上獲益良多,「頭幾堂係分析劇本,我哋一句一句直接讀出嚟,佢問有冇留意到啲標點符號點解要放喺嗰度,又提出好多問題令我哋反思更多。」

Martin曾向智叔學戲,令其演技進步不少。
Martin曾向智叔學戲,令其演技進步不少。
Martin感激劉德華在《熱血合唱團》中帶他入戲。
Martin感激劉德華在《熱血合唱團》中帶他入戲。

偶像係馮德倫
對於獲封「小鮮肉」,Martin認為是個負面標籤,「演員應該要Flexible,做乜都OK,但一俾人標籤小鮮肉就好似得個樣、後生,希望人哋都睇到我演技同工作。」他解釋為了應付打鬥戲份,大前年才開始健身,又自嘲「唔打得都要睇得」,並謂以馮德倫為目標,「成為演員係表演藝術其中一部份,之後可以成為導演、編劇、監製,我都有興趣做幕後。」Martin更笑言羨慕偶像有個靚老婆,可會恨跟舒淇合作?他說: 「都好喎!好希望有呢個機會!」而最想合作的是王菀之,「佢把聲音好吸引,係好做自己嘅人,加上又踏上幕前,好犀利。(演喜劇?)OK,我平日啲反應都好意想不到,所以之前都拍咗兩套喜劇。」

《把砒霜留給自己》中,Martin喺摩天輪向蘇皓兒示愛時瀨屎。
《把砒霜留給自己》中,Martin喺摩天輪向蘇皓兒示愛時瀨屎。
Martin憑內地劇《手可摘星辰》飾演萌爆小太監而爆紅。
Martin憑內地劇《手可摘星辰》飾演萌爆小太監而爆紅。
讀書時期超孱弱的Martin為應付打鬥戲而操肌、學揮短刀。
讀書時期超孱弱的Martin為應付打鬥戲而操肌、學揮短刀。
Martin盼觀眾多留意其演技和作品。
Martin盼觀眾多留意其演技和作品。
擁6嚿腹肌的Martin好抗拒「小鮮肉」這個稱號。
擁6嚿腹肌的Martin好抗拒「小鮮肉」這個稱號。

最新回應

關鍵字

相關新聞

熱門文章