搵錢還債老婆獨力湊仔張致恒貼大仔受傷相賣慘

2021-04-06 14:45

張致恒（Steven）19年與老婆雯雯結婚並育有兩子天寶及天牧，早前他被馮鎵瀠（Naomi）在社交平台指控欠債超過半年，及後遭揭發曾向不少圈中朋友借錢。財務問題纏身的Steven事後潛水避風頭，早前才發文稱正低調賺錢還債。

Steven昨日上載大仔天寶額頭受傷的相片，寫道：「從來自己點樣整親都當冇乜事，好快會好返，但係當知道自己個仔喺高處跌落地下撼親個頭，係真係會心痛到瞓唔着，我又唔喺佢哋身邊唔可以幫手睇住個仔，所以真係唔放心放手比其他人湊。」Steven早年私生活混亂，近年結婚生子後修心養性。他曾指自己無力償還款項，雖然多次有意無意透露自己有打工賺生活費，希望可盡力還清，但就被踢爆仍有閒錢請外傭及換電器。