由吉祥物代為探訪活動表演 薛家燕：真人梗係靚少少

薛家燕今日出席活動，表示獲大會邀請下家燕媽媽成為吉祥物，並推動教育以及參與對市民關愛的活動。她說：「吉祥物由家燕媽媽藝術中心的同學及同事去設計，仲會配合首歌的動作去跳，每逢探訪活動探訪長者就會去表演。因為我比較忙，學生就會帶吉祥物去代表我，對各機構有需要關心的朋友say hello！」問可覺家燕媽媽吉祥物跟自己很似？她笑說：「幾似呀！靚就爭少少，真人梗係靚少少啦！眼神就唔同，都有粒墨㗎！」
剛於周二（30/3）度過71歲生日，家燕姐謂子女有送禮物，但只透露是一份神秘禮物。她說：「當晚錄影完《流行經典50年》，返到屋企叫咗宵夜畀我，原本食完話瞓覺就話有份禮物畀我，要做啲儀式先拎到份禮物。（簽樓契？）係就好囉！」