日本返港聽到廣東話滴淚 吳業坤：肯定人生有豐富到

吳業坤到日本Working Holiday逾5個月，昨晚終啟程返港，坤哥透過飛機上的wifi開Live，帶Fans近距離觀賞行雷，落機一刻更因為聽到久違的廣東話滴淚，隨即到酒店接受21日檢疫隔離，Fans亦送上生果籃到酒店為他打氣。
坤哥在社交網發長文表示，視今次的長假為人生中最後一個「暑假」，並說：「工作假期點解唔可以選擇重點放喺『假期』呢？如果無去到嘅話，呢世都唔會再有機會，我唔敢講人生有無精彩到，但可以肯定既（嘅）係人生有豐富到，同有曬黑到，隔離埋就錄音了！」