【獨家】家燕姐教面對是非方法 張曦雯唔搞緋聞同男友好開心
2021-03-08 08:08 
薛家燕帶領林盛斌、馮盈盈、區永權、張秀文主持的TVB節目《天天開運王》，幫觀眾及嘉賓趨吉避凶。最搞笑玄學家楊皓雲指張曦雯(Kelly)懵盛盛，通常畀人暗算完，事隔一段日子後才由第三者口中得知，傻人有傻福的Kelly笑說：「呢行有好多是非，惟有當唔知！」採訪：方騫平 攝影：譚壹致
喺TVB節目《天天開運王》中堪輿學家楊皓雲大讚Kelly下巴厚，會有好多貴人，所以唔使怕是非，在旁作為前輩的家燕姐即提供心得：「是咁的，好多嘢我唔鍾意聽嘅話，我可以當聽唔到，視而不見，聽而不聞！」個個都拍爛手掌，力讚佛系家燕姐道行最高深。
唔使男友送首期
Kelly之前被外間翻炒跟「視帝」王浩信的緋聞，她一口否定傳聞：「我同王浩信有傾偈，但只係朋友嗰啲，正常同事嘅社交，我係一個新演員，拍戲時都會傾吓工作，我男朋友都識佢㗎！」Kelly更向男友大派定心丸：「我同我男朋友咁開心，所以唔會有呢啲諗法，我入咗行咁耐都冇緋聞，我嘅感情好穩定。」
Kelly原先打算購買將軍澳私樓樓花，供父母回港時暫住，也作為投資用途，可惜最後都抽唔到，她無奈說：「香港買樓好難，好多有錢人買樓！」她強調跟男友財政獨立，唔會叫男友送首期：「我哋嘅關係唔係咁，又未結婚，我唔會有呢啲要求。」
關鍵字
最新回應