【獨家】做節目慘被張秀文欺凌 林盛斌努力以曾志偉為目標

2021-04-01 23:10
林盛斌及張秀文主持嘅TVB節目《你又估我唔到》有好反應,Bob努力以曾志偉為目標,他朝變身做埋TVB高層!
林盛斌及張秀文主持嘅TVB節目《你又估我唔到》有好反應,Bob努力以曾志偉為目標,他朝變身做埋TVB高層!

由林盛斌(Bob)及張秀文主持嘅TVB節目《你又估我唔到》會繼續cosplay唔同嘅經典人物,透過片段向觀眾呈現日本冷知識。阿Bob公開「投訴」第二次和張秀文合作,秀文恃熟賣熟冇乜分寸:「有時佢會打我㗎!」在旁秀文竟解釋說:「我以為佢好好打嘛,點知佢嗌痛…」講到分寸,因為做記者會對住「姜蓉」講咗句打佢嘅Bob應該都經一事長一智㗎嘞。採訪:方騫平

林盛斌及張秀文主持嘅TVB節目《你又估我唔到》有好反應,Bob努力以曾志偉為目標,他朝變身做埋TVB高層!
林盛斌及張秀文主持嘅TVB節目《你又估我唔到》有好反應,Bob努力以曾志偉為目標,他朝變身做埋TVB高層!
林盛斌不滿被張秀文打肚腩,取笑她做「秀文姐」!
林盛斌不滿被張秀文打肚腩,取笑她做「秀文姐」!

《你又估我唔到》因為節目調動而提早播出,林盛斌、張秀文好興奮,除咗喺周一至五晚黃金時段出街外,節目仲有唔少演戲機會,令張秀文過足戲癮,不論扮貞子、《東京大飯店》及《千年殺》中角色,她都相當投入,連阿Bob都大讚她做足功課,相當用心。

龔嘉欣喺節目爆咗句「condom」令Bob好驚喜。
龔嘉欣喺節目爆咗句「condom」令Bob好驚喜。
因為惡搞姜濤事件,林盛斌火速出文道歉成功化解災難。
因為惡搞姜濤事件,林盛斌火速出文道歉成功化解災難。

深信吸引力法則
林盛斌表示透過節目可以睇到藝人真性情:「好似龔嘉欣咁,佢突然衝口而出爆句condom,真係估佢唔到!」節目中他和秀文會互寸,好有火花,阿Bob惟一係不滿張秀文太入戲搞到冇乜分寸:「佢會喝我對稿,又用力打我個肚,好討厭,真係要叫佢做『秀文姐』,第日介紹男仔畀佢,都要同個男仔講清楚佢好惡同埋會打人!」秀文一臉不好意思:「咁我唔介意,要對方接受我真實一面。」林盛斌接住主持《開心大綜藝》,成為「綜藝王」,他坦言深信「吸引力法則」,定下嘅目標係曾志偉,希望將來有佢咁成功!問到係咪想做TVB高層?秀文搶答:「咁按照個演藝歷程應該係喎!」阿Bob笑說:「努力中,呢啲20年後先算!」至於多口得罪姜濤Fans,已在IG跟有關人士道歉嘅Bob話「多謝觀眾體諒。」

林盛斌及張秀文以學生造型嚟配襯壓軸嘉賓李幸倪(Gin Lee)。
林盛斌及張秀文以學生造型嚟配襯壓軸嘉賓李幸倪(Gin Lee)。
在新劇《愛美麗狂想曲》中,張秀文首集就有牀戲,因為露背脊紋身成為觀眾焦點。
在新劇《愛美麗狂想曲》中,張秀文首集就有牀戲,因為露背脊紋身成為觀眾焦點。
林盛斌接住主持《開心大綜藝》,他希望將來有曾志偉的成就。
林盛斌接住主持《開心大綜藝》,他希望將來有曾志偉的成就。
林盛斌、張秀文啱啱主持完《天天開運王》,緊接推出《你又估我唔到》。
林盛斌、張秀文啱啱主持完《天天開運王》,緊接推出《你又估我唔到》。

最新回應

關鍵字

相關新聞

熱門文章