為「黑面」平反 AK@MIRROR大晒子彈腹肌勁緊張

繼姜濤、柳應廷（Jer）、陳卓賢（Ian）先後公開全新作品、以及MIRROR總動員推出新歌《WARRIOR》後，成員江𤒹生（Anson Kong，AK）的年度首支個人歌曲《黑之呼吸》昨日（3月31日）亦正式面世！歌曲講述人類為了存活、難免抹去自我，AK希望藉歌曲提醒聽眾勿忘初衷、誠實做自己：「只要唔影響其他人，盡量都要保持內心最純真嘅想法，因為呢個先係真正嘅你！」
AK自言與「黑」有緣，除了皮膚黝黑，也常被冠上「黑面」之名：「我唔笑嘅時候，個樣比較惡，好容易被人誤解，但係只要知道自己做緊乜，咁就足夠。」 他亦透露入行後曾接收過不少意見，如何從中學會平衡、不要盲從，也是一門學問：「例如花姐會叫我唔好唱歌，不如去拍劇，我覺得要自行過濾，諗清楚邊方面最想做、最適合自己，即使有可能會做錯決定，但係死喺自己手上都係無悔，哈哈。」此外，AK今次還獻出第一次，向來守身如玉的他，首度在鏡頭前中空上陣大晒子彈腹肌，笑言第一次露咁多肉，勁緊張。