獨家直擊變身「暖男爸爸」 郭富城:陪伴小朋友係做家長嘅責任

2021-04-01 22:46
日前郭富城被本報直擊,陪兩位「前世情人」沙灘耍樂溫馨情景。他直言,「陪伴小朋友係做家長嘅責任。」
日前郭富城被本報直擊,陪兩位「前世情人」沙灘耍樂溫馨情景。他直言,「陪伴小朋友係做家長嘅責任。」

《第45屆香港國際電影節》今晚在文化中心舉行開幕禮,郭富城第三年擔任電影節大使,對於城城日前被本報獨家直擊拍到一家人到淺水灣沙灘溫馨耍樂,「舞王」城城變身「暖男爸爸」,陪兩位「前世情人」片石及捉蟹仔。他指疫情下不少工作都要延後,故有更多時間陪伴太太和兩個女兒,直言,「陪伴小朋友係做家長嘅責任。」咁城城可有幫手教囡囡做功課?他卻說,「佢哋𠵱家嘅功課唔太複雜,可能要到一年級後先至會感到壓力。」

否認《風再起時》題材敏感被抽起
去年因疫情關係,《第44屆香港國際電影節》要轉為網上舉行,郭富城很開心今年能回歸正常,故會盡力宣傳,又說自己都是戲迷,一定會多多入場支持。城城和梁朝偉主演的電影《風再起時》原定在電影節作世界首映,卻臨時因技術問題取消,不過,有指真正原因係題材太敏感?城城卻否定傳言,強調完全不關事,這是商業類型的電影,但仍開心《風》片能得到電影節的賞識,但最後因技術問題要再作調整都冇辦法,唯有希望電影正式上映時,觀眾再入場欣賞。他說,「呢套戲拍咗三年,應該差唔多上映,我都好期待。」

另外,廖啟智日前因胃癌去世,曾和智叔合作過多部電影的城城感到難過,「我和智叔合作過《C+偵探》、《B+偵探》和《無雙》,智叔喺《無雙》做我阿叔,係畫家嗰部分,有日開工時,佢畀我睇佢畫素描,問我靚唔靚?我好欣賞佢好投入去揣摩角色,非常專業,我好欣賞同尊重佢,佢嘅離開係好可惜,我會永遠懷念佢。」

日前郭富城被本報直擊,陪兩位「前世情人」沙灘耍樂溫馨情景。他直言,「陪伴小朋友係做家長嘅責任。」
日前郭富城被本報直擊,陪兩位「前世情人」沙灘耍樂溫馨情景。他直言,「陪伴小朋友係做家長嘅責任。」
郭富城第三年擔任《香港國際電影節》大使。
郭富城第三年擔任《香港國際電影節》大使。

城城事業、家庭都兼顧得宜。
城城事業、家庭都兼顧得宜。
郭富城好開心,和梁朝偉主演的電影《風再起時》能得到電影節的賞識。
郭富城好開心,和梁朝偉主演的電影《風再起時》能得到電影節的賞識。

城城教兩女片石及捉蟹仔。
城城教兩女片石及捉蟹仔。
城城一家四口經常喺維園散步。
城城一家四口經常喺維園散步。
城城和偉仔主演嘅電影《風再起時》傳因題材太敏感被抽起。
城城和偉仔主演嘅電影《風再起時》傳因題材太敏感被抽起。
城城相當尊敬智叔。
城城相當尊敬智叔。

最新回應

關鍵字

相關新聞

熱門文章