【身手靈活】水桶腰肚凸凸跑馬拉松張栢芝用行動粉碎懷孕謠言

2021-03-31 22:51

張栢芝近期忙於參加內地真人騷，與此同時多次被拍到肚凸凸嘅相，傳出4度懷孕，不過栢芝曾說過有3個兒子已足夠，暗示無意再生，不過，日前栢芝喺社交平台分享，參加喺三亞舉行嘅馬拉松沙灘跑5公里片段，疑似用行動闢謠。身穿緊身運動衫褲嘅栢芝，腹部仍見微隆，但跑姿輕鬆。

片段中栢芝狀態甚勇，完全冇初孕嘅顧忌，她落力跑畢全程，且每完成一公里就自拍一張，身手靈活。此外，她喺內地綜藝節目上，被問到現在的擇偶條件是「小鮮肉」還是成熟哥哥？她直言以前會偏好年輕伴侶，但𠵱家需求係「安全感」，因為有安全感下，浪漫也變得愈來愈浪漫；反之冇安全感，即使每日為她放煙花、送包包都冇用。