【獨家】拍《不日成婚》牀戲零避忌 衛詩雅陳家樂被誤當曾拍拖

2021-03-31 23:00
衛詩雅和陳家樂拍《不日成婚》牀戲時零避忌,難怪被工作人員誤當曾拍拖。
衛詩雅和陳家樂拍《不日成婚》牀戲時零避忌,難怪被工作人員誤當曾拍拖。

衛詩雅跟陳家樂向來老友鬼鬼,最近在英皇電影《不日成婚》中再度合作,詩雅更首度以策劃身份參與製作,但她笑指沒提議搵陳家樂做男主角,而是導演陳茂賢看到兩人私下相處覺得好啱角色關係。他們又自爆因太老友,拍牀戲都零避忌,連工作人員都開盤估兩人曾經拍拖。不過,兩人對婚姻態度剛好相反,近期跟連詩雅傳出緋聞的家樂坦承恨結婚,反而詩雅會選擇不婚。撰文:杜淑霞 攝影:譚壹致 髮型:WilTam@Indulgence(詩雅)、Kenrick Siu(家樂) 化妝:Miko Wong(Cyrus Lee Team)(詩雅)、Khaki Yan(家樂) 服飾:英皇珠寶、Initial(詩雅)、Polo Ralph Lauren(家樂) 場地:英皇鐘錶珠寶中環旗艦店

衛詩雅和陳家樂拍《不日成婚》牀戲時零避忌,難怪被工作人員誤當曾拍拖。
衛詩雅和陳家樂拍《不日成婚》牀戲時零避忌,難怪被工作人員誤當曾拍拖。
身兼該片策劃的詩雅,否認有份提議家樂任男主角。
身兼該片策劃的詩雅,否認有份提議家樂任男主角。


身為策劃的詩雅,最初沒有想過搵陳家樂演男主角,「佢拎嘢畀我,我哋喺導演面前有啲交流,導演就話戲裏面對couples相處方法就好似我同佢現實咁樣,話睇吓家樂哥有冇期(陳:嘩!你幾衰格𠵱家!)參演吓啦!但係佢個期都難就㗎!全部演員、工作人員都要就番佢個期!好多謝你呀!」

拍照時見詩雅嬲嬲豬,她即投訴俾家樂激親。
拍照時見詩雅嬲嬲豬,她即投訴俾家樂激親。
戲中詩雅和家樂演一對經常打打鬧鬧的情侶。
戲中詩雅和家樂演一對經常打打鬧鬧的情侶。


婚姻態度相反


訪問時,兩人互窒鬥嘴,詩雅坦承相處方式有助投入演出,她更自爆:「我哋有啲小動作、相處,有場叫做牀戲,完全冇避忌,佢哋就覺得你哋一定曾經一齊過!(陳:佢哋開埋盤,但係佢哋輸晒囉!我哋梗係冇一齊過啦!)反而如果一齊未必咁樣。」



戲中兩人飾演拍拖同居多年情侶,但對婚姻態度分歧鬧出不少笑話,不過現實中兩人對婚姻態度剛好相反,恨結婚的竟然是家樂,「我係期待美滿婚姻,可能我幾鍾意有人喺我隔離一齊生活,經歷每件事都會想有呢個人喺度。(唔似角色「阿佳」咁驚?)其實驚咩呢?!我又唔覺!我係幾年前已經好想有家庭,好想有小朋友,好期待呢件事。(搵到好對象先咁諗?)唔講,哈哈!我見到同學仔帶住小朋友去踢波,呢件事係幾開心,我自己都期待,但都要工作穩定先會諗。」反而詩雅好驚結婚,「我想像唔到同一個人相處咁多年,我見到啲couples嗌交令我對婚姻有恐懼,點解要咁辛苦,呢點我諗唔通。」

由於詩雅和家樂拍親熱戲冇避忌,令工作人員誤會兩人曾拍拖。
由於詩雅和家樂拍親熱戲冇避忌,令工作人員誤會兩人曾拍拖。
多得老闆楊受成及導演陳茂賢,詩雅和家樂今次順利合作。
多得老闆楊受成及導演陳茂賢,詩雅和家樂今次順利合作。
家樂跟連詩雅去年被指合作遊戲節目撻着。
家樂跟連詩雅去年被指合作遊戲節目撻着。
關鍵字

最新回應

關鍵字

相關新聞

熱門文章