父母老夫老妻仲好恩愛 高海寧笑爆兩老食飯愛玩夾腳趾

高海寧、胡諾言和周志康出席《第十一屆「戒煙大贏家」無煙社區計劃頒獎禮》，並分享無煙訊息。高Ling表示爸爸十幾歲開始吸煙，幾年前成功戒煙，因爸爸近年經常咳又多痰，加上弟弟有嚴重鼻敏感，自己聞到煙味會不停打噴嚏，爸爸為他們着想而決心戒煙。她說：「我哋叫咗爸爸戒煙好耐，不過佢只會喺廚房開住抽油煙機吸煙，但落定決心戒就好堅持，好短時間就完成。我都覺得佢好堅，戒完煙係圓潤咗！」

高Ling又表示會陪伴爸爸行山做運動，父母亦會相約去游泳，更大爆父母吃飯時會在枱底下夾住腳趾，爆笑又恩愛。問到可有學懂夾腳趾？她笑說：「有啲嘢個人喜好啦！未必啱我嘅。」

另胡諾言表示家中沒有吸煙者，又認為吸煙會令人好焦慮，不過也專重吸煙人士。他說：「有時排戲後啲人會喺出面食枝煙，交流戲劇心得，但我覺得對身體唔好，如果想跟演員交流都可以用其他方法。」