【召喚花姐加場】MIRROR開Show爭落一身「街數」 Lokman 阿Jer求黃牛手下留情

2021-03-23 17:35
MIRROR只出兩位隊員已吸引過百Fans撐場。
MIRROR只出兩位隊員已吸引過百Fans撐場。

今日,MIRROR成員楊樂文(Lokman)及柳應廷(阿Jer)到銅鑼灣出席口罩活動,吸引近百Fans撐場,場面熱鬧!談到MIRROR將舉行3場演唱會,Lokman透露已密鑼緊鼓籌備中,正安排Rundown,而Jer就話:「第一次開演唱會時,MIRROR得一兩首歌,今次有好多自己嘅歌,而且新團歌好震撼及澎湃,相信Fans都好期待!」Lokman補充:「我們都好期待,好耐冇大型表演,技癢度爆燈,可能到時比Fans更興奮。」阿Jer笑說:「我們會不斷嗌Encore,唔捨得走!」

MIRROR只出兩位隊員已吸引過百Fans撐場。
MIRROR只出兩位隊員已吸引過百Fans撐場。
阿Jer要幫親友留飛,希望可以加場。
阿Jer要幫親友留飛,希望可以加場。

對於門票後天公開發售,Lokman希望唔會冧Server,大家都能購買,並語重心長說:「如果想搵快錢嘅朋友,希望手下留情喇,等大家都有機會睇!」阿Jer說:「(黃牛黨)唔好搞我哋喇,暫時開3場,一半入座率,唔多飛,好多親戚朋友要留飛,雖然有少量Quota,但都一身街數,希望能夠加場啦!」Lokman笑言只好扮慘情婉拒內部認購,又祝大家成功購票。


問到開騷時會否騷肌?Lokman笑指多少都會露手臂,未知會否騷「全部」,但目前都有健身做準備。阿Jer即笑說:「我負責督促㗎咋,但其實我係最需要操練嗰個,哈哈!」

Lokman希望黃牛手下留情。
Lokman希望黃牛手下留情。
門票後天公開發售,衝呀。
門票後天公開發售,衝呀。

最新回應

關鍵字

相關新聞

熱門文章