星島日報

【頭條獨家】《大步走》升呢第二男主角 張達倫不理戲份更重視口碑

2021-03-21 19:00
達倫最近連環有《失憶24小時》及《大步走》播出,兩個角色各有特色。
達倫最近連環有《失憶24小時》及《大步走》播出,兩個角色各有特色。

張達倫最近連環有《失憶24小時》及《大步走》播出,兩個角色各有特色,《大步走》更加是首度升呢第二男主角,不過達倫認為同戲份相比,最重視反而是口碑。剛為拍攝新劇《白色強人II》到深圳開工的他,由於要隔離,加上跟3歲多的囝囝「勁秋雞」張凱碩首度分離,他已計劃好每日視像解相思之苦。 撰文:杜淑霞 攝影:譚壹致 髮型:[email protected] SALON 服裝:Mr P by MR PORTER 場地:The Wave

達倫最近連環有《失憶24小時》及《大步走》播出,兩個角色各有特色。
達倫最近連環有《失憶24小時》及《大步走》播出,兩個角色各有特色。
達倫覺得戲份多少都會一樣落力演出,認為觀眾的反應滿足感更大。
達倫覺得戲份多少都會一樣落力演出,認為觀眾的反應滿足感更大。

達倫在《失憶24》演渣男「阿思」,仲首度跟江欣燕有感情戲,演其前夫,他笑言細細個已睇欣欣做《歡樂金宵》,「真正合作完全未試過,一嚟就車震又牀上戲,好誇張!我拍時都同導演講『出唔出得街㗎!』」劇中他為呃錢扮跟前妻欣欣翻撻,他覺得演起來夠過癮,「佢各面都好渣,唔會突然變番好人,我覺得幾開心㗎!渣到底,好玩㗎!」

達倫在《失憶24》演渣男「阿思」,為呃錢扮跟前妻欣欣翻撻。
達倫在《失憶24》演渣男「阿思」,為呃錢扮跟前妻欣欣翻撻。
在《大步走》達倫首次跟陳自瑤合作,一樣有激情戲份。
在《大步走》達倫首次跟陳自瑤合作,一樣有激情戲份。

擔心囝囝唔記得自己
《大步走》達倫演個發現自己有病快將失明的攝影師「阿凡」,對於該劇升呢男二,他以平常心看侍,因認為口碑更重要,「當然開心啦!但對於角色上我又冇乜大感覺,因為譬如《愛.回家》我冇諗自己男幾嚟做,你畀份劇本我就做好佢囉!出嚟效果好嘅,自己個角色就得啦!反而唔會框死咗佢係個主角定配角,唔會咁諗。好似我有日行街買衫,突然有個男仔嗌咗個《大步走》角色名,仲話好好睇喎!反而呢個滿足感大過其他嘢,我會睇嗰件事出嚟個迴響係點。」

為拍新劇《白色強人II》,達倫已出發到深圳開工,不過先要隔離,加埋拍攝時間,要個多月才能返港,他都好擔心到時囝囝「勁秋雞」唔記得自己,「我有個朋友就係咁,話個仔唔記得咗佢。我早前同姜麗文開工,佢哋細個Paul哥(秦沛)成日要開工,但會每日寫張fax維繫感情,咁我隔離嗰啲日子,索性長期開住個facetime,不如等佢長期望住我,哈哈!不過阿仔睬我都傻!但我相信頭7日,我會覺得好放鬆,咩都唔使理,我已經帶定條繩去做運動,同埋預咗睇戲同睇書。」

16年,達倫跟太太陳鳳玲結婚,翌年誕下囝囝「勁秋雞」。
16年,達倫跟太太陳鳳玲結婚,翌年誕下囝囝「勁秋雞」。
白色情人節當日,隔離中的達倫望住太太和囝囝的心意咭解相思苦。
白色情人節當日,隔離中的達倫望住太太和囝囝的心意咭解相思苦。
達倫年前簽約杜琪峯旗下公司,希望有機會多拍電影。
達倫年前簽約杜琪峯旗下公司,希望有機會多拍電影。

最新回應

關鍵字

相關新聞

熱門文章