蘇永康兒子4歲生日 化身黑武士開星戰P

蘇永康兒子Jazz（蘇展弘）昨日（20/3）的4歲生日，車婉婉與老公及兒子BBQ也有參與生日會。車婉婉在社交網分享多相生日會的相片，還有Jazz和BBQ的BB相。
生日會以「星戰」為主題，現場除了有「星戰」公仔及蛋糕外，Jazz和BBQ分別打扮成「黑武士」和「白武士」，相當搞笑。車婉婉留言：「今（昨）日，係好友Jazz嘅4歲生日，BBQ先生一起身就好興奮，趕住去同朋友仔慶祝。祝Jazz身體健康、快高長大、學業進步！時光飛逝，呢兩個人仔已經4歲⋯ Q MaMa好掛住佢哋一舊（嚿）粉個様呀！真係大得太快啦⋯⋯！是日主題係Jazz嘅Favorite StarWars..... 小朋友- May the Force Be With You。」
蘇永康則上載「靚到唔捨得食」的「星戰」蛋糕，還展示生日會造型服裝，及一大早叫Jazz起床片段，留言：「起身啦！大個仔，4歳啦！」