星島日報

【獨家】產後急復工誓做在職媽咪 譚凱琪捱眼瞓見證B女成長

2021-03-19 20:33
去年10月也升呢人母的Zoie表示會繼續拍劇,但絕不會分薄時間照顧家庭。
去年10月也升呢人母的Zoie表示會繼續拍劇,但絕不會分薄時間照顧家庭。

譚凱琪(Zoie)於無綫劇《失憶24小時》跟郭晉安(安仔)飾演分居夫婦,跟角色一樣,Zoie去年10月也升呢人母,為老公莊日宇誕下女兒Gabri。談到坐月的兩個月最辛苦,她指餵B、換片無限Loop真係做到踢晒腳,幸有老公幫手湊女,讓她半夜可唞唞,「雖然少咗自己時間,但見住BB一日一日長大,係開心嘅。」事業心重的她表示會繼續拍劇,「好多在職媽媽都好犀利,人哋做到我都做到。」撰文:黎寶倫 攝影:譚壹致 髮型:[email protected]_megatron2222

去年10月也升呢人母的Zoie表示會繼續拍劇,但絕不會分薄時間照顧家庭。
去年10月也升呢人母的Zoie表示會繼續拍劇,但絕不會分薄時間照顧家庭。
要兼顧家庭和事業的Zoie直言不知能否再一年拍4劇。
要兼顧家庭和事業的Zoie直言不知能否再一年拍4劇。

由於在劇中要狂鬧郭晉安,譚凱琪直言開拍前已代入角色,講嘢粗鄙又頻頻向老公發炮,「因為熟嘛,嗌交係生活小情趣,但講完自己意見轉頭就冇事,最緊要坦誠,唔好有咁多Cheating,所有嘢我都好鍾意同先生分享,我都欣賞佢有嗰句講嗰句。」至於可有為湊B起爭拗?Zoie指夫婦倆的育兒方法少不免有些出入,但雙方會商量及請教醫生,「生完真係感受到養兒一百歲長憂九十九,由BB出世開始就擔心、為佢未來十年鋪排,我已經算好遲,而家仲未報學校,一來疫情,二來因應囡囡性格去揀學校,我都唔想迫得太緊。」

Zoie稱將來會視乎囡囡天分而去報興趣班。
Zoie稱將來會視乎囡囡天分而去報興趣班。
劇中,Zoie和安仔育有一名6歲兒子。
劇中,Zoie和安仔育有一名6歲兒子。

兩年後再追B
忙湊女的Zoie即將開拍《十八年後的終極告白2.0》,她說:「而家好方便,可以電話視像,希望BB唔好唔記得我啦,返到去唔畀我抱就會好傷心。」可擔心錯過BB翻身、爬行等時刻?她稱今次開工時間尚可,笑言寧犧牲休息時間都要見證囡囡的Special moment,「我盡量自己幫佢沖涼,因為到佢大咗就唔係咁,要珍惜,好多時自己都親力親為。(怕之後黐爹哋?)都好嘅,老公成日話BB見到我開心好多,畀啲時間佢哋相處吓啦。」並謂即使做了媽咪也不會放棄事業,但絕不分薄時間照顧家庭,而追B就要待兩年後。

角色較粗鄙的Zoie受安仔感染演得好放。
角色較粗鄙的Zoie受安仔感染演得好放。
Zoie表示升呢人母後也不介意接拍親熱戲。
Zoie表示升呢人母後也不介意接拍親熱戲。
Zoie大讚老公在湊女方面幾幫得手。
Zoie大讚老公在湊女方面幾幫得手。
Zoie盼兩年後再追B,仔女都冇所謂。
Zoie盼兩年後再追B,仔女都冇所謂。

最新回應

關鍵字

相關新聞

熱門文章