《聲夢傳奇》復活變真人騷 曾志偉賀祖藍履新：交晒工作畀佢我甩難

曾志偉重返TVB擔任副總經理後，即傳出他煞停由余詠珊和何哲圖聯手炮製的選秀節目《聲夢傳奇》。今日志偉聯同星夢CEO何麗全及監製陳旭亮一起出席《聲夢傳奇》記者會，對早前傳他煞停節目一事？他笑稱：「煞停咗嗰日，之後開返！」他強調一定要大家做得好，想多些人參與，評判團要多，歌星朋友要多參與。不過，嘉賓陣容方面，志偉卻不肯透露，因為監製表示這是真人騷，一切也在聯絡中。
王祖藍今日正式到TVB上班，問志偉給祖藍首要重任是甚麼？志偉笑稱：「影相做證件，唔係點入嚟！」他繼續笑稱：「我將工作全交畀佢，我甩難了！其實佢有自己想法，有幾個節目係佢負責，本月24日有記者會，屆時佢會出嚟，今日佢唔想被搶鏡。」對有傳馬浚偉將加入當高層職務，志偉即說：「高層！我唔知道。」追問他沒理由會不知道？志偉才澄清，沒有這件事。志偉又嘆道，自從他返TVB後，有很多他沒聽過的新聞出現。

至於踢走《流行經典50年》改以《勁歌金曲》反擊友台節目《Chill Club》，志偉表示不要說踢走，只是給些時間它回一回氣，因為這節目已做了過百集，薛家燕也要休息，做一個大總結後，年底這節目會再次回來，始終這節目有很多觀眾看，又希望《勁歌》有新面貌給觀眾看到，所以將時間推前播出。
何麗全表示《聲夢》將會以經理人方式簽一些參賽者，每集賽事所邀請到場的25位嘉賓，都是唱片公司高層，目的是給予唱片公司高層機會，先揀選他們覺得有潛質的參賽者簽為旗下歌手，完全給予唱片公司自由度。